我的怀孕，顺产经历以及bb成长既点点滴滴(10/11更新)附孕味照肚肚照

韬韬差唔多10个月拉，睇住巨一日日长大，突然觉得时间过得飞快，好似有好多开心既时刻匆匆流逝，好怕自己太忙或者年纪老迈会忘记晒，

好似好夸张！所以决定凭回忆将记得既野先记低巨，以便日后回味。也写上哩比各位妈妈参考一下，为日后你地有类似既情况打定基础，哈

好，哩拉！怀孕篇

2007年2月既某日，突然同玲师奶讲笑甘讲起，今个月未哩野，玲师奶话：会晤会系有左啊？跟住教我，你翻去check体温拉，如果系36.8度至37度几既话就有可能家拉。我觉得好奇怪，乜原哩会甘加？！不过也不以为然，因为成日听群里面既朋友讲，有bb系一件好难既事，所以哩个月做左三次都特登唔做安全措施，但系系危险期只有一次，一击即中？唔会甘好彩挂！翻到屋企，贪得意量左一下体温，36.8度。姨，可能系米刚刚行翻哩，热啊？！食完饭，再check一次，都系36.8定系36.9度，可能。。。。。。系米食完饭热dd呢？！我开始有d觉得唔对路拉。到左第二日早上再check左次，37.2度。六合彩又唔见我中，我知道，居然真系甘好彩，就哩要做人地妈咪拉，心里面泛起阵阵喜悦。跟住个两日，我都间唔中会check下体温同埋每日早上都罗验孕棒验，体温就持续都系36.8度以上，但系验孕棒就点都未显示到有卜，为左万无一失，也为左比老公一个惊喜，我一直都无同巨讲哩件事。脑里面总系泛起电视里面个d老公听到老婆有左个一刻既惊喜表情，唔知巨会点呢？！点知，巨居然无拉拉问起，姨，你应该哩野拉波，今次迟左既？！无奈之下，讲左比巨听，一听完，都未知系米真系有左，就真系好似d电视剧情甘，巨一阵惊喜，翻到屋企，即刻唔比我猫低身罗鞋换，帮我罗埋，换埋，哈，我变成女皇拉！！！之后几日，连续用晨尿验左几日，开始出现两条线拉，第一次见到两条线个时，有种讲唔出既感觉，我要做mami拉，我真系要做mami拉！！！老公也都好八卦甘成日走入哩偷睇结果。虽然唔算系计划内既bb，但系对于就哩要做爸爸妈妈，我地都比较欣喜，心里面泛起阵阵幸福的涟漪。

跟住哩10个月,开始以为系非常难熬非常辛苦既漫长旅程,点知,因为两家人对我呵护备至,居然到左差唔多生得既时候好唔想巨出离哦,比甘多人宠系手心既感觉实在系太好拉!

因为系意外既bb,所以之前林住过年去马来西亚既沙巴旅行,潜水既,咩都准备好拉,年三十晚早上去医院确诊左系有左拉,晚黑就要飞咯,记得自己仲好天真甘问个医生,医生,我可唔可以去旅游啊,医生话,最好唔好拉,人多既地方细菌多,容易感染,你衣架怀孕前三个月,要小心d哦!跟住问,医生,我可唔可以潜水啊?医生话,下?!最好唔好做剧烈运动啊.问完都觉得自己好鬼傻,嘻嘻!不过医生话从哩无听讲过怀孕唔可以食虾蟹羊肉之类既野,话都系无稽之谈,学到野拉,哈,不过宁可信其有拉,整个孕期都唔系几敢食哩d野!

[ 本帖最后由 yanhdj 于 2008-11-10 21:50 编辑 ]

2008/07/24

精选回帖

要做靓妈咪8楼

哈哈，我个时都系甘啊，打算过完年都补蜜月旅行架但总系觉得有D野会去吾成甘，所以去老公话去旅行社报名我都叫距3月份再去点知原来系有左

2008/07/24回复

kk121166楼

系咪古摄影度影噶？？我都订左果间啊~~LZ好靓，影得好好啊！！而且全身都甘瘦~~好突出个肚肚啊！！羡慕ING~~~老公又甘锡你仔仔又甘得意~~

2008/08/05回复

joannapc127楼

楼主好漂亮啊！一路看来都觉得好搞笑好感动！睇到我流眼泪添！5 喺呢？可唔可以话俾我知喺边度影咖？要全称喔！0

2008/11/06回复

晓晓xx133楼

伸手进去挖！！！！！好恐怖啊！！！！记得以前看到一个MM的帖子，因为她之前有吃过保胎药，胎盘不容易剥离出来，也是这样被助产士伸手进去挖的 ............[ 本帖最后由晓晓xx 于 2008-11-7 12:50 编辑 ]

2008/11/07回复

全部回帖

老鼠囡囡沙发

相片好靓啊
哈哈
你LG好搞笑！

2008/08/05回复

贝壳宝贝板凳

楼主写得好有趣!

2008/08/05回复

yanhdj楼4楼

闲逛的秋天:

留个记号，继续看

查看原文

2008/08/05回复

firefly5楼

妈咪好靓啊~~~~~

短我系边间影相拉，谢谢~~~~

2008/08/05回复

kk12116楼

系咪古摄影度影噶？？
我都订左果间啊~~
LZ好靓，影得好好啊！！
而且全身都甘瘦~~好突出个肚肚啊！！
羡慕ING~~~
老公又甘锡你仔仔又甘得意~~

2008/08/05回复

cherryxc7楼

孕味照好漂亮啊!

2008/08/05回复

ZYMLFH8楼

继续等下文

2008/08/05回复

yanhdj楼9楼

tingzi2008:

留个脚，慢慢看，呵呵~

查看原文

2008/08/05回复

我爱mickeybb10楼

咦？未见顺产经嘎？好期待啊！

2008/08/06回复

yanhdj楼11楼

之后，进入孕后期，个肚越哩越大，可能系个子宫比较敏感挂，成个孕期都会有d假宫缩，后期仲犀利d添。好担心会引起早产，于是产检个时问杜鹃，开始又话要食d药，但系无开比我，翻转头问巨，又话唔使拉波。依家d医生真系，莫名其妙！28周开始，就日日都要数住胎动拉，早中晚各一个小时，如果相差一倍就系警号拉。但系因为平时实在太忙，有时都会唔记得，到左产检个时，就拉拉临老作上去拉。但系多数时候，我都乖乖甘数既，始终系对bb负责任啊，何况经历甘多，我唔可以再出咩差错家拉。所以我就系台面放一抓回形针，郁一次即刻落一粒放起，甘就容易记得d拉。有一晚，b仔好似成晚都无郁过甘哦，同个猪老豆讲，巨即刻又紧张到咩甘。拉拉临开左d音乐比巨听。因为个b成日听到音乐就会郁。只猪老豆仲要开d摇滚交响乐，开到好鬼激，哇，跟住个b系个肚里面好似打拳甘，翻天覆地，系甘博命踢啊踢。吓到我地拉拉临停鬼左d音乐，好惊巨甘激动自己缠住条脐带就死拉。个猪爸讲，话睇哩我地既bb几有音乐天分下，嘻嘻。越到后期，我训系张床度就越似一条蠕虫，如果想转身，要慢慢用对手捧住个肚，慢慢慢慢甘搬郁个肚，再转个身。好似慢动作甘，成日比只猪笑鬼我好得意。虽然笑我，但系真系尽到一个好丈夫，一个好爸爸既责任拉。为左唔比我递高对手，巨坚持次次帮我洗头；为左唔使我猫低，巨坚持日日帮我洗脚抹脚；为左我既安全，晚晚我起身嘘嘘，巨坚持晚晚要我叫醒巨，然后巨抱我起身，扶我落床，直至我上翻床，巨再拉翻埋蚊帐先至继续训。为此，同巨记下一功，以后同韬韬讲，巨个猪爸爸都算为巨面世尽过下力甘拉，哈！

成个孕期，我先至重左19.5斤，但系自己就好似无点肥到，全部比个衰仔吸鬼晒，所以个肚都好鬼大。到左最后个两个月，对脚似乎已经负荷唔到上面既重量拉，行几步，就觉得好攰，有时仲会行到有d假宫缩添。记得有一次，同同事出去食饭，入到厕所，个厕所超级大，但系猫厕，我猫低去完，居然里面系大到只手伸出去扶唔到个墙，差d起吾到身。如果真系起唔到身，都唔知点算，大住个肚比人系厕所执翻上哩个个场面都真系几震撼下。

越哩越接近预产期，大家既心情都越哩越紧张。特别系我，成日睇人地个d顺产剖腹经历，好想顺产，因为听讲对bb同mami都好。但系又好惊会好痛哦。睇到人地个d失败经历，搞到自己越哩越紧张。虽然懒，但系间吾中都会同老公做下拉玛泽减痛分娩法，希望到时用得上。因为预产期系10月19日，好惊bb百厌，提早20日出离，甘我就浪费左个国庆黄金周拉，所以，越哩越近国庆，我同啊b老豆晚晚都同啊b讲，b啊b，你要乖d啊，过完国庆先至好出离啊！一日挨一日，只猪成日吩咐我打的，话甘大个肚，万一刹车整亲仲衰，但系我都系唔听巨讲，人地个个大住个肚都系甘拉，怕咩哦。终于，挨到9月30日，好开心啊，终于，个孕期都到尾声拉，既兴奋又紧张，翻到屋企，系度同只猪商量究竟系15号开始休息好定系到生个日先至休。点知，个臭b唔知系米听到我地成日叫巨比阿妈休完国庆，真系刚好休完国庆，peng声10.8号标左出离，真听话，毫无准备，搞到全家乱晒笼。

2008/08/06回复

yanhdj楼12楼

待产篇

10月2日，趁住国美国庆降价，出去买定个相机，好记录低bb既成长过程。点知，哩日就系我驮住个b最后一日出去行街街。好开心甘同老公系表哥食左餐劲既。仲试左下个新相机添。

10月4日早上，一早起身去厕所，居然发现见红啊。拉拉临话比老公听。点知巨懒懒闲甘话，无事既，跟住翻左公司值班。我拉拉临冲凉洗头，怕万一生左就有排都无得洗拉。因为唔想国庆期间生，怕医院唔够人手，于是4号5号两日，我训系床度郁都唔敢郁甘多，林住好似人地补胎甘，哈，虽然林法可能有d傻，但系好似又几有效哦。哩两日都无再见红拉。因为唔想爸妈担心，所以都无话比巨地知，因为就算知道巨地都帮吾上咩忙。期间打左电话问医生同埋打左电话去医院产科，都叫我唔好去住，无宫缩而且唔系宫缩好短时间系唔会收既。

10月6日，阿妈唔知头唔知路，见到我日日系度训，博命赶我出去行街，话行下对生有帮助。无奈之下，唯有顺下巨意同只猪出去小区附近兜左一圈，跟住就翻屋企拉。点知个晚，又见红拉，仲要好多添。

10月7日，又是卧床卧左一日。到晚黑，起身上左下网放松下。到左12点，突然觉得个肚开始宫缩痛拉。我即刻同老公讲，死拉，开始痛添，点算。因为系楼梯楼，所以一直都好担心万一破水点算。问过医院，打电话系唔会出车既，一定要打120.而120又只会叫附近既医院哩，唔会送去产检既医院，所以我地一直都好担心万一晚黑或者繁忙时间点算。因为上过好多临产既课，所以我都比较镇定。拉临训上床，罗住手机开始计算宫缩既时间间隔。开始，系一个钟头痛一次，跟住就半个钟头，跟住20分钟，越哩越密，而且好有规律。个种痛系好似系系肚里面拿住拿住甘同，同假宫缩完全唔同，所以真正第一次宫缩开始，我就知道，系坚野哩拉。每次痛，我都博命呼气吸气，呼气吸气，用拉玛泽呼吸法尝试减轻疼痛。因为无生过第个，所以究竟有无减轻过我就不得而知拉，哈。每一次痛，我都呼吸得好大声，所以个晚老公都基本无训过，我就更加系彻夜未眠拉。一痛我就大力呼吸，老公就会问：又痛拉？使唔使去医院啊？开始一个钟头痛一次我都顶得顺既，但系到左4点几，20分钟痛一次，而且系越哩越痛，我终于忍吾住拉，叫老公拉拉临落街睇下有无的士，如果实在顶吴顺，就半夜都要去医院拉。于是老公拉拉临起床着好衫落去睇下，然后翻离同我报告话，下面好多的士，唔使惊，顶吴顺落去就系拉。跟住我坐起身，开左电视，林住分散下注意力，尽量拖到早上先至去医院。奇怪，我坐起身，宫缩居然停左，40分钟拉，都无痛过一次哦。于是我又训翻低，点知一训低，即刻哩左一次劲既，痛到眼泪都标埋。于是我拉拉临坐起身挨到天光，因为哩几日日日都洗头，怕唔知边日入院，所以剩系拉拉临冲左个凉，就起身同老公打的去医院拉，因为系星期一，仲要系国庆后第一日返工，塞车到咩甘，早知就坐地铁拉。不过真系好彩，从屋企一直到医院，都无再痛过，真系好鬼奇怪。

因为知道就快生啦，于是临去医院影左几幅相留念