真拿滴老人家无办法 我坐月果时仲惨，BB在医院一开始未有母乳，食惯奶樽，唔肯吃奶头，家婆话要饿巨，肚饿自然会食，成日话我唔好比奶樽BB，仲听埋个姑仔话外国BB吃人奶唔使饮水，连水都唔比我喂，话BB饮左水就唔食奶了，饿左几个钟见我同BB都哭，才给我喂奶（用吸奶器吸出来用奶樽喂）。好在我妈在，趁家婆唔觉意，先偷喂几啖水同奶比BB。跟住又话唔好食太多肉，BB会滞（之前有个表妹坐月，食太油腻，大人BB都O肚），又唔比我妈煮野比我食，话我妈煮肉多。搞到我成日好肚饿，要偷食点心。个BB半个月才肯直接食奶头，我奶水多，BB食唔晒，就话个BB食滞，要喂七星茶，我话BB细唔好饮住，而且BB无甘快食甘多奶，应该唔是滞，家婆就话我唔识野，广州都是甘样架，个个BB一出世就饮七星茶，饮唔坏的...唉！我坐月都无吃过炖品，都是同家人一齐同样的饭送，我话我受唔到一日一碗姜醋，巨就话我唔识野，广州都是甘样坐月的。我受唔到过奶比BB都唔好啦，成日话人地都是甘，好象人地是点我就要是点甘。最激气的是，42天时，家婆话唔使返医院复查，打预防针时在街道门诊查下就得啦，话姑仔生仔时都无返（事实是有去左医院复查），话返医院，麻烦！之后BB有唔舒服要去医院，家婆又话你估滴医生好犀利咩，都是开下药撞撞下渣，骗钱就犀利，话我天真，幼稚！唔听巨，照去医院巨就罗罗梳梳，黑口黑脸.... 真是拿巨无办法！！！[ 本帖最后由 柠檬午后 于 2008-8-10 23:21 编辑 ]