老字号。南信牛奶甜品专家。

荡过上下九嘅人，估计都唔会忽略呢家店嘅。即使冇入去过嘅朋友，都会留意到呢家门面嘅存在。更加唔好讲各位老广或者常年游荡喺上下九嘅同学仔啦。啊哈哈~~~

以甜品为主，有名你睇。但喺都仲喺会有其他各种广式粉面食嘅，一碟炒牛河，一碗牛腩粉，都喺咁正嘅存在。

服务嘛~~老广态度~~自己悟~~~~  有人会话串，不过呢啲就叫咗味道。  

地址：广州市第十甫路47号         从长寿路地铁站出来转入上下九方向嘅前半段。

餐馆环境：古典与现代嘅结合。哇咔咔~~~如图

不过我从来冇上过二楼啵



同妈咪专登去上下九皇上皇买腊肠，未食早餐，距离午餐时间又仲有少少时间，有计划去食午餐嘅地方啦，所以惗惗，就入咗去食少少甜品垫肚。

喺上下九，永远唔缺嘅就喺老字号。不过有时候可能师傅唔同，都会食唔返水准咯。

天气已经开始暖返啦，点咗一个冻嘅杏仁露汤圆，虽然杏仁露喺冻嘅，其实应该话喺凉嘅，可能因为汤圆热啩，反正唔会好冻，凉凉哋，啱啱好。杏仁露淡淡哋，汤圆芝麻馅甜甜哋，极配。

再加一个香麻糖不甩。话说，南信嘅糖不甩喺斋粉冇馅嘅，我比较中意有馅嗰种，入边包住少少豆沙，甜丝丝。糖不甩好弹牙，弹牙得嚟又唔会痴牙啵，食得几爽~~~好中意糖不甩仲有个原因，上面啲花生碎同芝麻好香好脆口啊。咔咔~~夹埋一起食，爽歪歪~~

不过总体会偏甜~~~我嗜甜~~~可以接受~~~不过都觉得偏甜咗~~~