今日系YJ第15日，第二次排卵监测归来！！

子宫内膜由原来嘅5mm，增厚到6mm，3天只系厚左1mm，
原右边卵巢发现有1个卵泡（10mm X10mmX10mm），今日尺寸有D怪，11mm X 9mmX 9mm
好意外地，今日发现左边卵巢有1个卵泡（13mm X11mmX11mm），竟然比右边卵巢大！！！

[ 本帖最后由 wei_winnie 于 2010-8-24 10:49 编辑 ]

今日药方：人胎盘片，目的：医生话要增厚子宫内膜
期待星期三，第三次排卵监测

星期六我炖左水鱼汤饮，就系网上所讲嘅1斤水鱼+淮山+杞子+山茱萸加埋一齐炖
可能水鱼系滋阴，我连汤渣都吃埋，都唔会觉得燥热！
不过网上写系YJ第5日饮一次就得，但我系YJ第13日饮，我朋友话已经无作用。
但好奇怪，本来上星期五照唔到左边卵巢有卵泡，今日竟然照到有，尺寸仲有比右边卵巢嘅卵泡大！
都唔知系吃左“何车大造胶囊”有效啊？定系只水鱼起效！！

JMM，究竟有咩方法可以令子宫内膜增厚？

唉！！

我之前都试过甘，不过系岩岩来月经果阵，果阵食左好多激素，后来又食中药～衣家就好似正常翻～不过月经就时不时都吾系好正常

我都系吃紧激素，就系补佳乐啰。另外再加一大堆中成药

[ 本帖最后由 wei_winnie 于 2010-8-16 14:58 编辑 ]

上周四YJ第18天，阴超结果：内膜7mm，左边嘅卵泡大左，15mm X 14mm X 13mm，右边嘅卵泡无大到，11mm X 9mm X 9mm

因為之前周期乱晒，上一个人工周期系32天，照计应该系今日排卵，但张主任说内膜隔3天先长1mm，卵泡发育得唔好，叫我唔好浪费钱，唔好再照B超，安心等月经到。我唔知点解当时好想喊，但我忍住左。

今日药方：培坤丸2盒

星期二开始已经发现面上多左3粒暗疮，3粒打竖一排；星期四门牙对开嘅嘴唇位置，又有一粒飞滋仔，晚上竟然连眼都肿埋....OMG

上火嘅现象出晒黎，以前出现依D现象都系准备黎M，但我连卵都未排，无可能咁多有M前反应

星期五下午终于比个朋友劝服左，去番市妇幼睇中医生，稳左梁碧燕睇。

佢听我讲晒我嘅病史，包括之前停经，周期乱、雌激素低，睇埋3次排卵监测结果。
梁：你老公查下精子未？
我：未
梁：叫你老公查下，又唔麻烦！
我：到时先啦！我依家上晒火，我已经无吃热气野，咁点算？
梁：咪就系D中成药引起啰
我：咁即系点？
梁：你排卵唔好啰，吃D中药调理下
我：但我有一堆中成药、激素未吃完
梁：激素唔可以停，张主任开得比你就要全部吃晒佢
我：咁可唔可以同中药一齐吃？
梁：当然可以啦！

我来啦，好耐没上网睇论坛了，咁啱比我撞返
你嘅药方同我上个月剂中药都弱似雷同，可能中药不外乎呢几味吧

就正如系市妇幼睇西医妇科一样，系药房等罗药果阵，睇到都系培坤丸、河车大造胶囊、人胎盘片......

[ 本帖最后由 wei_winnie 于 2010-8-24 10:50 编辑 ]

楼主去看中医调理，很容易好的

LZ睇中医啦，中成药药效唔系甘好咖，每个人嘎体质都唔同，所以成药唔系岩所有人，一定要对症落要先见效。中药几味唔同就差好远。

我已经吃紧中药啦，上星期五转左睇中医，市妇幼嘅梁碧燕

上次嘅6剂中药已经吃完，今日第一次复诊。由于之前同事送左张康众预约卡比我，提早3天预约，顺理成章我系1号。8点开诊，8点1睇完，8点3已经离开市妇幼。

之前睇张秀兴开嘅补佳乐今日已经吃晒，仲有两日分量嘅人胎盘同黄体酮未吃完。星期二突然觉得额头同条颈好热，后来量体温先知37.2，我估计排卵期已经过左。所以今日嘅药方都系以祛湿、清热为主，无再开“壮阳药”，自我感觉利苔好厚.....

今日药方：
茯苓15g      山药15g      布渣叶10g     白术15g      麦芽30g    鸡内金10g     桑寄生15g     
天冬15g     北沙参15g     甘草6g

由于我YJ嘅18天仲未排卵，我问梁医生YJ会唔会推迟？佢话唔会，因为吃左黄体酮，一般都会准时。

因为我YJ嘅20、21、24同房，问梁医生有嘅机会高唔高？佢话大部分病人都唔会有，但都有小部分病人会怀孕。吃左补佳乐通常卵泡会唔靓，所以机会好低。
其实我系百度都查过，都有相关抑制卵泡发育嘅解释，原来系真嘅！

你听日去复查咯，等你好消息

原来你最近睇左甘多次医生了。。。真系有毅力。我仲未有勇气踏出里一步啊。。。
但里排工作有好多事，忙左好多。。。 吾可以以此为借口。要向你学习！一起加油