做乜而家D大肚婆以为大肚就有特权？

依家将近26周了，20周肚肚就明显啦，系呢一个月内大概坐过七八次左右公交和一次地铁，来回计算乘以2，只有过两次坐公交有人让位，其中一次系昨天系企了好几个站先有一个离得远远的美女过来拉拉我手叫我去坐距的位置。记忆中坐过803、804、268、107、76A等公交车，地铁望岗到体育西路，全程无人让，而且地铁裹次来回我都系企系坐住一排高中生嘅面前，依家嘅学生素质？唉，仲要次次入车后企系度感觉自己好似好黑人憎咁，个个见到我即刻望出窗外或者突然拿部手机出来低头玩或者训翻教，感觉真系唔好受！有次坐部804因为太多人太逼，俾人撞一撞我企唔稳只脚唔小心推佐下坐系我隔离嘅一个女人，距居然用眼瞪住我，“噌”嘅一声好似叫我唔好掂到距咁，然后继续望出去窗外。。。有试过车上人少，企嘅人计埋我都系唔够十个，我知道坐系我附近嘅人都有睇到我嘅肚肚，企系度系部车度好明显，司机都系咁播让座嘅提示，但系D人只系望下我肚肚就继续仰高头望窗外。感觉过D人咁嘅对待，真系心寒。整个孕期得40周，可能都系得20周左右显肚，呢20周足够体验到依家嘅人几咁冷漠，呢排睇到广州日报报道广州让座有需要嘅人让座率为90%， 真系唔知边个记者经过点样嘅方案计算出来的！