我能得到幸福嗎???
20508情感.婚姻.家庭
我噶第一次婚姻系我自己舊年11月底要求終止噶,我同前夫相惜到結婚7年了,拍拖五年,結婚兩年,結婚無擺酒,登記果日距連餐飯都無同我吃呀!一直都系我鍾意距多過距鍾意我,因爲我自己好固執同埋唔服輸,所以一直堅持,但系我知道其實自己都唔幸福。(前夫大我11年家境一般,住在自家噶舊屋裏,他收入還可以,都有差唔多一萬蚊一個月,所以一直都要我自己出去做野,想一齊供屋,所以我媽媽一直都唔鍾意距,距唯一噶親人就系距媽媽,距媽媽身體好差,所以距好孝顺的,同時弈要求我要孝順。我同距一齊甘多年,一直都系我千就距,距曾經仲旭手打過我,不過唔算嚴重,我仲爲距落左三次BB,我個心已經傷痕累累了,所以當我遇見現時的老公不久,我就提出離婚了
第二次婚姻來得好快,快到有時連我自己都唔相順,我系舊年國慶前識距噶,當時我與前夫各自玩自己的,都無爲意到距,但系國慶後距就約我吃飯,後來發展得好快,期間距對我好好,話好愛我,我也鍾意左距,過左無內我就離婚了,仲有左距噶BB,系12月就登記結婚,1月份擺酒,大肚期間距都算就我,照顧我;都做了一D另我好感動,覺得好幸福噶事,但系我大肚期間反應較大,心情好差,也有好失落的時候;自從BB出世後,距好錫BB,錫到有時我都恰醋了,但系對我就麻麻地,無曬以前既細心,近期由於距工作比較忙,又要應酬距D所謂兄弟老友,對我好冷淡,經常話我煩,琴晚距夜返來,我只系叫距早小小沖涼訓覺,距就話我煩,距以前唔會甘噶,搞到我而家真系唔想同距講野了,免得又比距話我煩噶了,我個心好冷呀,覺得好痛呀,系咪我就唔配得到幸福了。
2008/09/03