机票：唔喺特价果时买，所以两人来回要2400（香港去，广州翻）。

酒店：1800，唔包早餐，大家都话进码头果间gaya center hotel，d个选择无错咖，因为我地日日都去潜水，好方便。

食：大概2000.

玩：大概4000.

Day 1:提早去香港住左一晚，早上6点搭bus去香港机场，HKD18。7点多d去到，喺机场周围兜去办登机牌等等，搞到差唔多9点。

中午12点几落机，报左洪叔两个团，有人接机到酒店，酒店要下午2点先check in，所以就去左后面商场唱钱，顺便买张电话卡RM8+上网RM23，上网无限制，不过去到岛无信号。

本来下午想去香格里拉睇日落，点知落雨，后来居然日日下午4点几就落雨，好似教左闹钟咁，所以就无去到，不过其中一日就喺酒店对出海边睇到日落都好靓。

晚上去左传说中的大茄来，俾人带左入室内，然后8挂问室内同室外有咩唔同，人地话室内唔使俾税，室外要俾6%税。要左2只螳螂虾，椒盐，RM117，RM130/kg，一人一只好饱，两人一只就够啦；咸蛋蟹3只，RM18，超好味，又平；象鼻螺，RM24，类似花甲类，比较少肉，但比花甲好味好多；西瓜汁RM4，无咩特别，比较解渴;桔子冰RM2，酸酸地，唔太喜欢；饭，一共RM166。

食完行去海边，有好多烧烤同水果，我居然买左只大西瓜，后悔了，两个人足足食左4晚。