[图片]前面净系挂住讲三黄鸡，差D唔记得介绍我地另外食的羊腩煲。因为8个人啊，所以战斗力都好强大啊，庄家呢度个老细强烈推荐我地试试个羊腩煲，128元/细煲，218元/大煲，甘梗系要煲大的嚟试啦！焖羊腩的汁好浓郁，味道好浑厚，趁住热气腾腾的时候先夹一件连皮带肉的羊腩试试，哇！入口惊为天人啊！再点埋老细推荐的自制辣椒酱，简直加分加到爆晒分！当场就问老细D辣酱有无得卖！D辣椒酱香中带有少少麻，唔算好辣，细尝之下仲有D虾干瑶柱，简直就系XO+辣椒酱的升级版！真系唔系讲笑，同D羊肉衬到绝啊！！[图片]然后摆拍N人组又继续打灯拍摄，哈哈，讲讲下嘢食忽然出现呢D场景都好跳Tone啊~[图片]临结尾再嚟多一份“饭后甜点”--无错就系甜薄撑啦！糯米皮里面包裹住花生+白砂糖，外面煎到脆卜卜，一口咬落去先听到“啵”一声，再到软糯的糯米薄撑，再到粒粒脆脆口感的花生砂糖，一层一层引人入胜，直到味蕾的巅峰。依然系今餐的加分点！一问之下，原来个大厨以前系惠爱餐厅的厨师，难怪D出品甘有广州风味甘地道啊！最后原来老细仲有做宵夜--哈尔滨啤酒9点之后10蚊有5支，简直就系diku价，亏本赚人气啊哈哈！