復21樓的。 自己帶奶粉奶瓶濕巾尿片待產包自己吃飯飲水的東西身份證生育保險卡準生證2000蚊按金（如有生育保險）面盆毛巾廁紙刷牙洗面的東西手機相機。

出院的時候帶自己的衣服同bb的衣服。

多谢楼主，今个月尾就系预产期啦，正想问要带咩过去，2000蚊按金可唔可以刷卡啊？

我是剖腹產， 出院都5使補錢。 順產就1000幾啦。 我有請護工， 每日60蚊。

同埋，你个阵住几多人房啊？系米全程都系母婴同室架？

如果家属要陪夜，每晚要比几钱啊？

太好啦，我也准备月底在广医二院剖腹啦，顶顶

我都系打算系E度生啊，我7月份的

我都系系E度生啊，预产期7月份

待产包系咪到生先去买噶？

你个阵住几多人房啊？系米全程都系母婴同室架？ ---- 有2人3人6人房同走廊。 我開始住2人房， 但是同房的果個人5肯開窗， 2月底果幾日26-28度， 我幾乎出熱痱， 所以就要求轉去6人房， 當時6人房沒人， 只有我一個。 過了一日， 因為是好日，好多人剖腹產， 所以6人房住滿， 然后走廊都訓了8個人。 6人房是比較吵， 但是非常通風。 全程都系母婴同室。 這個問題比較麻煩， 當時我半昏迷狀態， 老公第一次做爸爸， 要照顧我， 要照顧bb， 還擔心比人偷bb， 拒整晚沒訓。所以請護工幫忙。 護工負責幫bb換片同喂奶。

我妈妈都系担心紧BB会无人照顾同比人偷，如果唔请护工，家属可唔可以晚晚都陪夜架？陪夜大概几钱一晚？

如果喺自费押金又几多啊？ ----我聽門診果個護士講好似是5000蚊， 你可以產檢的時候問下。

如果家属要陪夜，每晚要比几钱啊？ ---- 好似是比10幾20蚊， 有限錢。 陪人的床位5蚊一晚。 一定要穩家屬陪的， 產婦要休息， 又擔心比人偷bb。 就算是順產， 產婦都好辛苦。 新媽咪都5識湊bb啦。 一個房間幾個人， 幾個產婦， 幾個bb， 幾個家屬， 人來人往， 真是要小心d。

如果唔请护工，家属可唔可以晚晚都陪夜架？陪夜大概几钱一晚？ ----- 我超建議非常強烈建議請護工。 因為自己真是5識湊， 而且護工有好多好好的照顧bb小貼士教大家。 例如一出生要飲葡萄糖水去黃疸。 旁邊床有個產婦沒喂bb飲葡萄糖水， 就直接喂奶粉， 仲喂了很多， 個bb吃得太多， 第二日就嘔吐5吃奶， 哭都沒力， 要洗胃再送去新生兒科住院。 另外一個又是沒請護工， 喂bb之后不知道要掃風， bb嘔奶， 有點喘不過氣， 面都變色了， 馬上請護工， 護工話當日成10個bb出世， 晚上照顧5來， 5想接這個了， 家屬馬上加錢， 護工才接了。 坦白講， 我們不單止日日請護工， 仲比了利是打點一下。 于是護工很努力幫我照顧bb。 我覺得這些都是有限錢， 不要省了。 我們媽媽一代已經20幾年沒照顧過bb， 都生手了。 比少少錢請護工， 我覺得值得， 我媽媽從旁偷師。

多谢，超有用啊，我七月预产期，收藏先！

待产包系咪到生先去买噶？ ------ 之前上bb課就建議預先買的。 因為醫院小賣部晚上關門， 如果半夜作動就買5切。 我就沒與先買， 是入院的時候買。 其實如果是剖腹產好多野都用5著。 入院的時候護士會問你是否已經買了， 如果未買就馬上去買。

明白晒，唔该晒你先

请问家属陪夜系咪要事先同护士讲噶？距地系咪会比张床家属训噶？

广医二院系吾系多宝路果间三院附院？

2000蚊按金可唔可以刷卡啊 ----- 好似可以。 我比現金的。 聽講部分醫院深夜不能刷卡， 所以我都是帶現金。