星期五果日，真係要OT...搞到11點幾先收工，我地成班同事去左飲野，坐到2點到就走了
走果陣相討緊邊個順路一齊搭的士...點知原來佢住我附近!!? @@
上次送佢搭地鐵，我自己搭叮叮走...所以唔知佢住邊，真係白痴= =
就係咁，我同佢仲有另外一個男同事就搭同一架的士走了...沿途大家都無乜講野，大概因為大

累加上有d醉意啦
中途男同事落車了，得返我同佢兩個人...(真開心^^)
落左車之後，本來的地行相反方向返去ge...不過我話太夜危險，所以送埋佢返去
去到佢樓下佢就話: 送到呢度得lu，唔該晒
然後我睇住佢入左閘口後我就走了...

到左星期六，今日放半晝，放工果陣佢急急腳就走了，睇黎應該係約左人....唔知約左邊個呢
放左工之後我就返左屋企做野了，因為手頭上都有一兩份freelance要做
到左夜晚，突然收到佢電話，我當然仆倒咁去聽啦
原來係佢部電腦壞左，打黎問我識唔識整
我話要睇下先，因為我都唔係十分叻，本來諗住叫佢拎部機落樓，幫佢拎返屋企整ge...
點知佢叫我星期日上佢度幫佢睇!!@@
就係咁，今日就上左佢度整電腦了.....(發覺自己有d電車男feel~haha)
上到去除左我同佢之外，一個人都無
原來佢同我一樣，都係同朋友出黎分租住，因為佢住新界區好唔方便
而今日因為佢個friend出左街，所以無人係度...
搞掂晒之後，佢買左d下午茶返黎請我食，再一次機會同佢撐枱腳了
本來佢話唔該我想請我食飯ge...但係我今日要出去，所以推左佢，不過佢話唔緊要，下次

再請過我

我唔知係咪做左一件錯事...
所以臨收工果陣d同事就開始討論緊去邊玩下下咁
與此同時我亦發覺對Kathy有興趣既人唔止我一個，而且都比我主動...
可能因為咁，我情急之下，就以教佢output既野為理由留低左佢...
佢表現得有d唔開心，可能因為之前佢地仲傾緊去邊度玩...

放左工之後，得返我同佢兩個
我一路教佢，個心一路都有d唔安落咁...
過左1個鐘左右，我留意到佢開始時不時望下隻錶
於是我就問佢係咪約左人，如果係ge唔緊要，可以下次先教佢
但佢又話唔係...
不過我feel到佢有d唔開心同心不在焉咁...
所以最後我都放佢走...
臨走時我問佢: 你係咪返屋企? 係ge話一齊搭的士丫
K: 哦...我唔返住喇
我: 約左男朋友呢~? (心裡其實是苦笑...)
K: 唔係~去睇醫生之麻 (咁即係有無男朋友呢? =.=)
我: 下? 你無事丫麻?
K: 有d頭痛，作病咁囉，無乜事ge
我: 唉...sorry呀，你唔舒服做乜唔同我講呀?
K: 我OK喎~唔同你講喇，就黎無醫生睇喇，走先喇~拜拜!!
我: 咁好啦，你自己小心d喇，返到去打個電話比我丫
K: 嗯，好啦~拜拜 (然後就急急腳走了)
雖然好想陪佢一齊去睇醫生，但又唔知點開口好...唉
而且好似因為我既自私，搞到佢連病都要OT咁辛苦...個心好唔舒服

等左成晚，我都收唔到佢既電話，於是就諗住打比佢問下佢點...
不過佢飛左條線返屋企，佢朋友聽左個電話
我: 喂，Kathy?....um Kathy丫唔該
佢個FD: 佢訓左喇喎，你邊位搵佢? 我叫佢覆返你丫
我: 噢~咁無野lu，我諗住睇下佢返左黎未姐，唔該晒
佢個FD: 哦..唔駛

唔知佢係因為太攰唔記得打比我，定係根本就無諗過打比我呢....唉

今朝返工時，係地鐵站口又撞到佢，於是就同佢一齊行返工司...
沿途我問佢: 你好返d未呀? 唔舒服唔好死頂喎
K: 無事lu，訓左一覺好返好多
K: 係喎，你尋晚係咪打過比我黎?
我: 係呀，諗住睇下你返左去未之麻
K: 唉哎~Sorry呀...我唔記得左打比你 (佢好似o岩o岩先醒起)
我: 唔緊要，驚你暈左係街姐...你個friend話你訓左都知你返左去
K: 真係唔好意思，我成日都無記性
我: 唔係丫，你都仲記得日日起身返工呀...
K: ......
就係咁...好舒服咁同佢一路傾一路返行返工司

行到公司樓下，我買左兩份三文治同一杯燈汁，比左一份三文治同一杯燈汁比佢
K: Thank you...幾多錢呀?
我: 上次你食我食pizza，今次我請你食啦
K: 咁多謝你喇，不過得一杯野飲既? 係咪漏左杯呀?
我: 同你share咪得囉 (本來諗住搞下gag...)
K: 好丫 (佢大概以為我指用第2隻杯倒開share...因為我平時係公司有私家杯= =)
我: 講笑咋，我返公司沖咖啡飲~你o岩o岩病好詔@@O汁啦，有多D維他命C
K: 知道醫生...
係呢一刻我同佢既關係就好似情侶咁，好浪漫...
雖然短短唔夠十分鐘既路程，但我已經好滿足

平時退地、執相、勾path果d勞動功夫都係佢同另外2個junior做的
今日因為佢o岩o岩病好，所以我將呢d功夫都交比佢地2個做...haha
而我今日下晝要出去見客，所以叫埋Kathy跟我出去幫手，順便學下野
佢顯得十分開心，大概因為今次係佢第一次去見客
正常黎講，做Junior的多數都只係機械手，只有做到嘔，永遠無停手
其餘2個係度做左半年以上既junior都未有咁既機會...我認我係大細超
但最少Kathy做野真係認真同永無遲到...佢地都唔怪得我...

頭先悶悶地開左個msn，佢竟然on左line
於是就開始同佢chat...
我無乜同佢傾工作上既野，因為唔想放假都要講公司野

我問佢: 唔出街ge?
K: ai~唔好提喇........
我: 做乜樹?
K: 本身約左個fd今晚去睇戲既,點知佢臨時又話唔去得~
我: 哦...
K: 咁你呢~你又唔出街既~?
我: 係呀...無人約麻
K: 咁我約你啦好無~?
我: 都好喎，有咩搞作?
K: um~~~~
K: 諗唔到~
我: 比你揀:
A) 唱K
B) 睇戲
C) 碌齡
D) 食飯
E) 打機
F) shopping
K: wa~C呀!好耐都無碌過齡~
我: 最後決定...駛唔駛用錦囊呀? haha
K: 一定係C~!!!!!!!!呵呵~
我: 咁去邊樹碌好呢?...
K: 我以前係屯門玩ga~
我: 你唔係諗住入屯門碌齡咁激呀...=口=|||
K: kee~又好似遠左d呀呵~?
我: 直頭啦=.=
我: 再比你揀多次喇: 1) 奧海城 2) 南華會 3) 我屋企樓下的club house
K: 你果度有club house咁勁~?
我: 係呀...
K: wa~你果度幾錢租呀~? 等我同個fd都搬過黎住先得!
我: 我指我將軍奧的屋企...唔係租呢度=.=
K: cher~~~~~~~~~
K: 咁去你屋企間club house吖~唔駛咁多人嘈生晒~
我: 好...咁我打去book場先
K: ok~

( 好彩book到場，不過只book到7至9 )

我: book左喇，book左7至9
K: yeah!咁幾點邊度等~?
我: 6:00你樓下等好無?
K: 好!咁我沖涼換衫先lu~一陣見啦~88
我: 好~一陣見...

頭先悶悶地開左個msn，佢竟然on左line
於是就開始同佢chat...
我無乜同佢傾工作上既野，因為唔想放假都要講公司野

我問佢: 唔出街ge?
K: ai~唔好提喇........
我: 做乜樹?
K: 本身約左個fd今晚去睇戲既,點知佢臨時又話唔去得~
我: 哦...
K: 咁你呢~你又唔出街既~?
我: 係呀...無人約麻
K: 咁我約你啦好無~?
我: 都好喎，有咩搞作?
K: um~~~~
K: 諗唔到~
我: 比你揀:
A) 唱K
B) 睇戲
C) 碌齡
D) 食飯
E) 打機
F) shopping
K: wa~C呀!好耐都無碌過齡~
我: 最後決定...駛唔駛用錦囊呀? haha
K: 一定係C~!!!!!!!!呵呵~
我: 咁去邊樹碌好呢?...
K: 我以前係屯門玩ga~
我: 你唔係諗住入屯門碌齡咁激呀...=口=|||
K: kee~又好似遠左d呀呵~?
我: 直頭啦=.=
我: 再比你揀多次喇: 1) 奧海城 2) 南華會 3) 我屋企樓下的club house
K: 你果度有club house咁勁~?
我: 係呀...
K: wa~你果度幾錢租呀~? 等我同個fd都搬過黎住先得!
我: 我指我將軍奧的屋企...唔係租呢度=.=
K: cher~~~~~~~~~
K: 咁去你屋企間club house吖~唔駛咁多人嘈生晒~
我: 好...咁我打去book場先
K: ok~

( 好彩book到場，不過只book到7至9 )

我: book左喇，book左7至9
K: yeah!咁幾點邊度等~?
我: 6:00你樓下等好無?
K: 好!咁我沖涼換衫先lu~一陣見啦~88
我: 好~一陣見...

我諗過啦﹐不如博一鋪﹐死就死啦
跟住我同左我個friend講，佢竟然即刻應承，話可以交平d租-.-
佢仲問我﹕你係咪鍾意Kathy架
我: 多事啦你
佢: 洗唔洗過幾招俾你啊﹐哈哈
我: 你係咪五行欠打﹖
佢: 哈哈哈哈 (真係多得佢唔少 =.=)

之後尋晚我打左俾Kathy...

我: ok了，無問題
K: 真係﹖太好喇~~~真係唔知點多謝你先好
我: 唔駛客氣啦，可以交平d租我多謝你先真啦^^"
K: 嘻~~
我: 咁你想幾時搬過黎丫?
K: 我諗住聽日同包租婆講,睇下佢幾時要我地搬走囉~
仲要cut電話同寬頻tim~煩死人
我: 你個電話同寬頻無約架咩?
K: 係喎~咁點算呀?
我: 帶埋過黎啦，我地呢邊無電話架，寬頻就多條線囉....無計架喇，我幫你分緊D電話費啦
(唉...又要俾錢了﹐呢次真係大出血)

K: 你真係好呀~T﹏T
我: 咁你聽日要打定電話去問佢幾時先轉得喇
K: 嗯~知道
我: 咁你早d訓啦，聽朝仲要返工，唔駛擔心咁多喇，萬大事有我撐住你
K: T_____T.......嗚
我: 放心啦，有咩聽日返工再講啦
K: 好囉.....真係超級唔該晒你呀~
K: 聽日不如一齊返工吖~
我: 好丫
K: 咁8:45我樓下等啦~早抖!
我: ok~goodnight!!

真係發生左好多事...唉，唔諗咁多喇，唯有見步行步啦

又係時候同大家報告﹐趁老細行開左﹐依家靜靜雞寫D啦 哈哈哈..

尋日朝如常起身返工，去到Kathy 樓下等佢一齊返工
其實到左呢個時候，我覺得表唔表白都唔重要了
因為係呢一刻我已經好滿足...

我照樣買左份三文治同果汁比佢
返到公司食完就開工!!!
因為仲係月頭既關係，所以呢幾日d job排得好密...
真係得閒死唔得閒病 ><"

而我下晝又要去見客同去studio影相，所以交低晒d job比佢地幾個做
本來我想帶埋Kathy出去的，但今日真係好多野做，如果重帶多個人出去的話，公司一定唔夠人手
所以...無辦法 (雖然想對住Kathy 多D﹐ 但有時候又唔可以做得太過份嘛)

題外話:之前提及過我公司除左Kathy外仲有2個Junior，
但其實佢2個唔係跟我的...
不過lead開佢地果個senior請左大假，所以先交左比我湊...
所以我基本上係可以由得佢地自生自滅的~haha
不過為左避免是非，點都要理下佢地既

Lunch果陣Kathy同佢地出左去食飯，我都好想去，可惜我要見客...
跟住趕返公司後又要趕去studio...勁累
影完5點到又要飛返公司砌稿!!! =.="

做到8點鐘終於可以收工，d人一放工就一支箭咁標走晒...
我仲有少少手尾要執，Kathy話等埋我
8點半左右搞掂晒就鎖門走人了，跟住我地去左食大排檔

佢話今日好辛苦...又要煩間屋d野，公司又多野做
我都同佢講左聲唔好意思，因為我今日成日都出左去，交低晒d野比佢地做
K: 傻啦，我見你仲辛苦啦，成日撲黎撲去...
我: 我慣架喇...
我: 係呢, 你間屋d野搞掂未?
K: 今日同包租婆傾左喇，佢話比一個星期時間我地搬，
但係按金果d就無得退， 電話果度都搞好左，
等佢轉條線過去就得lu，寬頻果度我個friend話可以轉返去佢屋企，
所以可以唔駛理lu
我: 你都幾有效率喎，咁多野做都咁快搞掂晒ge
K: 洗乜講...hee
我: 咁你打算幾時搬啊?
K: um...下個星期六或者日啦﹐你方唔方便丫?
我: 無問題，咁我呢兩日幫你清左間房先啦^^
K: 唔該晒你呀...
我: 收你租架麻
K: 咁你今餐唔準掙呀下
我: okok...

食完飯後，佢約左佢個friend去飲野，所以我就自己一支公返屋企了
而且開始執房!
雖然好累，但一諗起Kathy，再累d都值既!!

发帖:33
积分:34
来自:
用户身份:普通用户
注册:2006-11-09     
個weekend 勁多野要搞所以不能即時 update LIVE
講返星期五先...

禮拜五我依舊都係8:45係佢樓下等佢返工
我企係佢大閘門外有瓦姐頭既地方
佢係大閘出黎，我見佢行路怪怪地咁...

我問: 你做乜呀? 整親呀?
K: 唔係呀，個胃好肚...><
我: 無事下麻? 駛唔駛同你請半日假睇醫生呀?
K: 唔駛...一陣無事架喇
我: 你得唔得架﹖不如搭的士返去啦，唔好行喇...

因為搭的士既關係，九點鐘左右就返到去了...
連阿頭都未返，所以由我開門
我叫Kathy入去抖陣先，我落去買早餐比佢
我飛左去7仔買胃藥，跟住買左碗白粥同腸粉比佢
點知返到去先知唔記得買自己果份...= ="
都唔諗住再落去買過lu
我比低d野Kathy之後，就去左沖咖啡飲

K: 嘩...你個身濕晒呀
我: 係啦...我大汗嘛
K: sorry...成日都麻煩到你
我: 傻啦...
K: 買左幾多錢呀?
我: 唔記得喇，由佢啦...
K: e...成日都唔收，下次你唔好幫我買喇
我: 知喇...你快d食完野食藥先啦
K: 點解你唔食野ge，減肥呀? haha
我: =.=...我唔記得左買自己果份
K: hahaha...低b，咁你食d腸粉啦，好好味呀

然後就同佢一人一支籤吃腸粉^^" (真係幾好味)
食完野後我地就返埋位開工lu...
今日都ok多野做，不過無尋日咁多，但我見Kathy唔舒服，所以好多野我都幫佢頂埋
下晝收到舊同學Crystal ge電話，佢想搵我幫手影輯相，約我收工去飲野再傾
就係咁，今日就無得同Kathy一齊走了...
臨走時我問佢個胃仲有無事，如果仲痛就要睇醫生
不過佢話好返晒lu...咁我都放心d

放工之後去左銅鑼灣一間cafe...
好耐都無見過Crystal，應該係好耐都無見過以前d舊同學
記得果陣我暗戀左佢足足兩年...我諗佢都應該知
不過講開又講，唔知係咪無見好耐
依家見返覺得佢比以前更加靚女...haha
(剎那間我諗我當時係有點想追佢既念頭..^.~)
不過人地已經有BF了，更可況...
依家當然Kathy係第一位啦^^"

我地邊飲野邊傾，原來佢同佢男朋友夾份開cafe，想搵我幫佢影d product shot
小事一件啦，一口就應承左佢...更何況有錢收ge
我地坐到9點左右就走lu，佢男朋友渣車黎接佢...真係有米，我都想買架車= =
然後我就行返屋企lu...

返到去屋企門口...大鑊!! 唔記得帶鎖匙= =
我個friend又返左大陸...無耐之下唯有返將軍奧
夜晚打比Kathy，話佢聽我返左將軍奧，聽日陪唔到佢返工...

K: 做乜返左去ge?
我: 我無帶鎖匙，個friend又返左大陸，無門口入...
K: haha...咁都得呀你，咁聽日咪搬唔到野去你度囉?
我: 佢聽日下晝應該返架喇
K: 咁聽日放工你可唔可以過黎幫我手搬d野過去呀?
我: ok...無問題
K: 咁麻煩你喇
我: 你有d咩要搬?
K: 一張床，一個衣櫃，電腦，幾袋衫，同d雜物咁囉...唔係好多野姐，係張床同個櫃我搬唔到囉
我: 無問題啦

然後同佢傾多陣閒計，用屋企部古董電腦打埋日記我就訓了..

星期六

一早就比老媽子吵醒左，因為佢怕我遲到...所以早左半個鐘叫我= =
仲有時間係屋企食埋早餐先出口門...
返到公司，Kathy已經返到黎lu，同佢打個聲招呼之後就去左沖咖啡飲...

返到枱頭，發現多左包三文治係枱上面?...
仲有張memo寫住: 食飽d，唔係一陣無力搬野呀
雖然我已經食左早餐，不過Kathy買比我ge...緊係要食埋佢啦
食到好飽好飽，飽到漏，然後就開工lu....

話咁快又到一點，收工!!
我打比我個friend，睇下佢返到去未，因為我仲未有鎖匙返去...
好彩佢已經返左去，唔係搬屋大計就要delay...

放左工同Kathy去左麥記買左d野返去佢度食，
食完就搵埋我個friend阿龍幫佢搬左d hand carry 既野過去先...
走左幾轉，已經搞到身水身汗...但係仲有d大件野未搬
不過我諗我地都搬唔到...因為d野都幾大件，好難搬...
最後都係call搬運黎幫手...
幫佢唔到，有d唔開心....好似自己好無用咁

最後六點左右終於搞掂晒lu，不過佢仲要執返好d野...
我問佢駛唔駛幫手，佢話唔駛...
同埋我見佢執緊d衣物，都唔好意思幫佢手...
跟住我就去左沖涼...因為之前出左一身汗，搞到個身痴立立
沖完出黎，Kathy都仲未執完d野，阿龍就捉左我入佢房...

龍: 喂...呢個就係你條女呀﹖
我: 你唔好講得咁難聽好唔好﹖
龍: 得啦，係邊到搵架﹖好掂喎
我: ok啦...
龍: 得左米未先? 駛唔駛我今晚行開下呀? 哈...
我: 去死啦你，你唔好亂up tim呀
龍: 哈...咁你有需要就開聲喇喎
我: ....
龍: 仲有...話埋你聽喇，咪話唔為你設想...
我櫃桶仲有幾個新既未用過架，隨便用喎
我: 你up 乜啊﹖咩新既未開??....(哼﹗個死仔D 黃色思想又黎﹗)
正想一巴星過去既時候佢就跑了 =.="

之後等埋Kathy，我地3個就去左樓下茶餐廳食野...
食完返屋企，不過Kathy係廳睇電視，阿龍又係...
但為左避免個死仔亂up野+為左Kathy ge人生安全-.-
我都留左係廳一齊睇...
不過睇睇下我訓著左，可能真係太攰喇...
我訓著期間...唔知佢地有無講過乜呢
我只知道十二點幾果陣，阿龍叫我返入房訓...
不過果陣Kathy已經返左入房了...
而我都返房繼續訓...

星期日..

因為尋晚好早訓，今日一早就起左身...
我一個人係房上網，上到十點左右，聽到Kathy也開門出來了...
我問佢有無街去，佢話約左朋友下晝Shopping...
心情即時down晒...
而我就約左班friend去左book場打波
打完波食埋飯返到去已經十點幾，但返到去見到間屋黑麻麻無著燈，
都估Kathy仲未返架喇...
一身嗅汗，所以打算去沖個涼...
點知一開門...Kathy原來係toilet
好彩佢已經沖完涼...已經著返衫，只係係度梳緊頭姐...
如果唔係水洗都唔清...
我同佢say左sorry...佢話唔緊要，但果刻大家都有d尷介...
接著...問題又出現了
就係佢d內衣褲仲係toilet入面...= ="
本來我諗住當睇唔到...沖完個涼出返來就算
但我又怕比阿龍見到...條友分分鐘會做衰野
...唯有出返去同佢講，真係超尷介
就係咁...當晚我地一句野都無講過
大概因為大家都覺得氣氛有點怪吧...
本來諗住即時上來向大家求救的...但係internet 唔知做乜死左...
搞到我上唔到網....

唉...本來覺得Kathy般入黎住會係好好玩
但點都估唔到...咁快就有呢D小問題出現
仲要係第一日添﹗ 你話以後D日子點過呀﹖

尋日我地一齊起身返工，又與上另一個問題
就係掙廁所用...之前我同阿龍兩個已經有d趕
依家多左個人，搞到仲趕= =
我比Kathy去左先，所以自己趕得要死，
莫講話gel頭，就連頭都無時間吹了...
不過唔緊要啦，最緊要係我可以同Kathy一齊返工

我地依舊一齊搭地鐵，一齊買早餐，一齊返公司...
公司都好多野做，OT到八點先有得收工...
本來諗住約埋Kathy一齊食飯跟住一齊返去ge...
點知佢又約左人食飯...
呢排佢好似成日都約左人咁...希望唔係男人啦
然後一條友自己返左去，本來諗住搵埋阿龍食飯ge，
點知連佢都有約...唉
野又未食，Kathy又有約....真係灰到爆!!!!

煮左個麵食之後，一條友係屋企...
到十一點左右，阿龍返來了...但Kathy都仲未返
我開始有d擔心...
過左一陣，電話特然響起...
係Kathy打來...佢話今晚唔返來訓
雖然我好想問點解...
但以我的身份只能答: 嗯...好丫，咁你自己小心d...
...我訓係張床度諗黎諗去都訓唔著
個心好唔舒服...
雖然同佢住埋一齊，但同佢ge關係反而仲好似梳遠左咁...我都唔知點解?
是我做錯了事嗎?
i feel so sick...........

今日返到公司，枱頭又有一份三文治同一張memo...
memo寫住: 食完打比我
我以極速食完份三文治，然後打比Kathy...
霎時間有種雨過晴天既感覺 ^^
(不過好快又被打回谷底)

我:喂...
K: 喂...
我: 我食完喇...
K: 你今晚得閒嗎?
我: 想點﹖
K: 放工陪我地去食野丫
我: 好啊......等陣﹐邊個我地﹖ o.O
K: 我個friend 丫
我: .....(唉...仲以為有得2人世界...)
K: 佢上個禮拜係紐西蘭畢業﹐依家返左黎﹐咁你以前都係個邊讀書嘛
咪順便介紹埋俾你識囉

我: 係嗎﹖咁去邊食呀?
K: 一陣再決定丫
我: 好丫
K: 咁你放工等埋我啦...byebye

話時話﹐究竟呢個friend係男人定女人呢﹖
我又唔好意思問﹐好似好小家咁
唉..如果係男既﹐個氣氛可能會有D唔知點咁
如果係女既﹐通常都係女同女傾計﹐我到時咪呆坐﹖

今日公司唔算多野做，我諗我同 Kathy 七點就可以撇...
(依家差唔多5:30pm )
但係...唉, 呢一刻真係腦海空白...
不如唔去算囉

如果你係我﹐你話你會點﹖
總之呢個禮拜真係阻滯多定啦

尋晚返黎累到死，所以冇Update
目前情況都唔知應該係happy 還是憂慮呢﹖

Anyway，話說昨日個心十五十六
唔知去好定唔去之際
話咁快就放工了

放工之後，Kathy 話原來佢個friend Book 左抬o係尖沙咀個邊
問我介唔介意過海...
(你個friend 連抬都book 埋，唔通我話唔好咩?) =.=

Kathy 一路搭地鐵一路講佢個friend 以前D 野
我就一邊聽一邊諗陣間餐飯，應該如何應對...

K: 喂，你有冇聽我講野架﹖
我: ...有有有，你話佢依家搵緊工丫嘛
我: 係呢，講左咁耐，你未講你個friend 叫咩名喎
K﹕佢叫 Jo 囉
我﹕Jo? 係倪震既 Joe 定 谷祖琳既 Jo 啊﹖
K: 人地係女仔黎架﹗
我: 哈哈..OK﹗ (聽到話係女，我都冇咁驚) ^^

之後落車既野唔講啦，話咁快就到左
原來係間法國餐聽
我地到先， Kathy 先去洗手間
我自己就坐底睇下個 Menu..@.@
嘩..今鋪如果係我請，就真係大出血囉﹗

望望下忽然有個女仔走入黎
仲係好靚個種添..
佢同個waiter 講左兩句就走埋黎我張抬

問: Hi， 你係咪 Kathy 個friend 丫﹖
我: 啊..係啊，你係阿 Jo?
J: Hi，nice to meet you!
我: Nice to meet you too，我叫oosh
我: Kathy 入左toilet，好快出黎架啦

我同Jo 傾左一陣，睇埋少少，佢真係好靚
絕對比得上Kathy
著衫亦好有 style
唔止係靚，仲直情係sexy 個隻
(因為真係睇到個胸..)
我對眼唔敢亂望 -.-

跟住Kathy 出番黎
K: Jo!! (非常雀躍)
J: 好耐冇見啦﹗
佢地兩個仲一齊擁抱添 ^^

一如我所料，佢地互相傾談大部份時間我都係得個聽字
但係唔知係我心理作用定咩
阿Jo 好似好多時成日都望住我 (..都唔知想點)

K: 喂..你咪同D 招聘公司好熟既
有冇辦法幫幫 Jo， 佢想搵番份野做丫
我: 好，我聽日打俾我個做 Agent 既friend 睇下幫唔幫到你
J: 唔該晒你啊..

(唔知係咪食左老虎膽我竟然仲同佢交換埋電話﹗﹗)
我: 我叫我friend 有消息打俾你啦
J: Thank you^^

後尾，埋單時候阿Jo 話佢俾
我同Kathy 都話唔好，一人一份啦
兩個女仔爭黎爭去，結果都係阿Jo俾左
成$2000幾蚊...真係豪﹗

之後我同Kathy 搭車返屋企
K﹕Jo 係太子女黎架，佢阿媽係上市公司主席
我: 哦...係啊﹖唔怪得找條 $2000幾蚊既數都面不改容喇
K﹕但係欠人地餐飯唔係幾好既，下次要再約過佢
我: 梗係啦...
我: 不過人地咁有米，點解唔去番佢阿媽間公司做﹖
K﹕佢唔想靠佢屋企人，想自己拋個身出黎靠自己
我: 拋個身出黎?係咪想做雞啊﹖(學人搞gag =.=)

Kathy 打左我一下，(哎喲..)

之後返到屋企，Kathy 就去左沖涼
我就攤左上床訓，忽然有人SMS黎
原來係Jo
內容: 搵工既事就拜託你啦，nice to meet you! nite^^

[ 本帖最后由 罂粟 于 2009-8-25 23:16 编辑 ]

呢兩日冇乜特別野發生
都係朝早返工 夜晚收工
有時候我都好懷念讀書時既日子
至少唔係好似依家咁辛苦 =.=

講返尋日..
我同Kathy 放工行返屋企
途中我問佢: 點解呢幾日早出晚歸既?
K: 之前同我同屋果個friend呢...
佢daddy過左身呀，所以我去陪左佢囉

我: 哦? 咁佢無事丫麻?
K: 嗯...總算安定落黎lu
我: 今晚仲要唔要去陪佢啊?
K: 唔洗啦，佢應該ok
我: 代我問候下佢啦
K: 嗯..有心喇

就係咁...終於知道佢點解成日出左又夜返
真係一天都光晒!!!!

亦可能係呢個原因，尋晚特別好訓...哈哈哈哈

至於阿Jo ..
我已經搵咗我個做agent 既friend
叫佢幫手留意下有咩好工俾阿Jo
原來阿Jo 係會計畢業, 我諗會容易D搵到野做掛?

呢兩日返工好多時候都靜靜雞 send SMS 俾佢
而佢又成日覆我
搞到我有少少 ..心不在焉
咁樣落去，遲早會拖慢我手頭上既Project
呢鋪真係...都唔知會點

我諗我應該係時候要開始俾油去追Kathy...