今朝如常同Kathy 一齊返工
我又買左份三文治俾Kathy食
佢都不知鬼咁高興^^

哎.. 上個黎拜叫阿肥(我手下) 去搞個Blueprint
整黎整去到依家都仲未整完
我咪叫Kathy 幫佢整埋一份囉
一來可以幫下手
二來順面可以睇下Kathy 功夫去到邊到

我見Kathy 好專心做既時候
又手痕狠靜靜雞 SMS 俾阿Jo 睇下佢搞乜

我: 喂喂...做緊咩啊?
J: 啱啱起身，哈哈...你今日忙唔忙呀﹖
我: OK 啦...開始見工未啊?
J: 有間公司話想聽日見一見我，依家開始緊張..
我: 實掂既, don't worry..

跟住..
我寫: 今晚得唔得閒食飯呀? Miss you 呢
不過唔知係咪鬼整
send 錯咗去Kathy 個度 o.O
呢鋪真係x街啦

正當我唔知點算既時候
眼尾見到Kathy check緊佢部手機
睇完仲笑得好甜添
K: 諗諗先喇..如果做完晒D 野就去喇.. 哈哈

J: 喂，唔講住啦，要去準備聽日既interview la..

雖然搞鬼錯左...但係我諗無壞既
至少可以專心同Kathy 食飯吧...?
定一定神先..

尋日放工之後去左同Kathy 食日本野
原來佢幾鐘意食生野
但係我就麻麻..可能唔受得啦 ><"
所以我唔係食好多..

K: 做咩食咁小呀﹖
我: 我腸胃唔係咁好 驚唔舒服囉
K: 啊? 你早D講丫嘛，早知我就選擇食其他野喇
我: 唔緊要喎..呢餐算係獎勵你幫阿肥做完份Blueprint
K: hehe...我都係試下架咋，好驚做得唔好

我發覺到Kathy 好有鐘意聽我講野
即使係D 無聊或沉悶既話題
佢都會眼定定望住我，好用心去聽
呢樣野除咗老葉同阿龍做得到之外
就無其他人了，呢一刻我覺得如果Kathy做到我老婆
我就真係三生有幸囉 hahaha..

埋單時候佢又同我爭俾錢
K: 次次都唔收，點得架?~
我: 話左獎勵你嘛
K: 好啦，下次輪到我請﹐到時唔好又同我爭呀﹗
我: 你話點咪點囉

之後晌行返屋企途中
唔知係咪我掛住同Kathy 講野定係個肚仲有D餓
過馬路時幾乎俾架電單車撞瓜
(唔係講笑，架死人野開得好鬼死快
真係爭兩三寸位﹐分分鐘聽日頭條就係我)
Kathy 即刻捉住我隻手
好大力扯返我埋路邊~~
扯到我幾乎手都甩

K: 嘩﹗嘩﹗小心D睇路先得架
我: ....(嚇到三魂唔見一魄﹐ 冇野講)
K: 你冇事丫嘛﹖
我: 冇....冇...好險喎
K: (語氣好似有少少惡) 你都唔睇路既﹗﹖九條命都死唔晒喇
我: 哦哦...(依然好驚)

呢個時候我先feel 到原來Kathy 仲係拉住我隻手
而且仲渣半分鐘到喇我估
但係之後佢放開左lu ><"

我好想去拖返住佢隻手
但係一來唔係幾夠膽
二來可能仲係有D嚇親
所以最後都係拖唔到手

哎...執返條命都算好彩囉
好彩﹗好彩!

睇完Jo 上樓之後
即刻覆番Kathy 個SMS 就搭車歸家

返到屋企之後，唔理三七二十一
一支箭衝入沖涼房
開大個凍水沖個凍水涼
一邊淋凍水，一邊叫自己清醒D

諗起頭先既情景
若然我飲醉咗酒既話
我諗分分鐘真係會上咗去Jo 屋企
好唔容易先至叫做放底唔諗阿Jo 唔同佢SMS
依家又整鋪咁既野我搞
個腦真係好亂...

沖完涼出黎，Kathy 原來喺房到上緊網
我: 我返黎啦~
K: heh..咁早返既?
我: 我驚你擔心丫嘛..所以咪早D返黎陪你囉

Kathy 當堂面都紅晒
K: ...洗乜你擔心wor，成日口花花
(照咁睇，斷估我晌Kathy 心目中都有少少地位掛)

同Kathy 傾咗陣我就返入房訓囉

呢兩日冇乜突別野發生
我有我打波，Kathy 就出去同佢D 姊妹shopping
直到尋晚，老葉打黎俾我..

葉: oosh-san
我: 點呀衰佬﹖
葉: Kathy 飛咗你未呀﹖
我: ....
葉: hahaah....阿龍上咗黎plan 緊下禮拜過澳門單野
我: 咦﹖...咩行程先?
葉: 啱唔啱呀﹖ 啱既上黎我度研究下

同Kathy 講聲之後就上咗去老葉嗰度
上到去老葉第一時間整杯紅酒我嘆
個死仔話呢期愛上咗紅酒，誇張到差唔多每晚都飲兩杯
好似唔飲唔安樂咁

葉: 喂...澳門個trip 預埋你喇
我: 點玩法先﹖
葉: 呢個禮拜六去珠海然後睇下禮拜過唔過澳門
我: 邊個去先?
葉: 阿豪同佢條女，我，阿龍，同埋你囉 (阿豪又係我地D friend)
我: OK 啦
龍: 叫埋Kathy 啦，多D人好玩D架
我: 唔知肯唔肯喎?

我亦喺呢個時候同佢地講我Kathy 同Jo 目前既狀況

龍: 你係咪架?...有條女叫都唔上去，學人吊高黎賣?
我: 喂..上去容乜易溶左我
龍: @@@，call 我丫嘛，我上去睇下係佢溶我定我溶佢~ haha
我: 死啦你，咁賤格

葉: 你個衰仔搞到咁復雜，好難估佢(Jo)想點架喎
我: 會唔會Kathy 叫佢黎試我架?
葉: 試? 依家咩年代呀﹖你估拍戲咩﹖
叫條索女去試自己鐘意既人﹖好高風險姐﹖
(呢句我覺得幾有道理)

葉: 依家擺明Kathy 都對你有feel 啦，你仲濛盛盛
我: 唉 時機未到啊...
葉: 拿..試就應該唔係試既，上次同你講過架啦
有錢而浸過咸水既女通常都係鐘意玩仔
好幸運地，又或者不幸運地，你被阿Jo睇中

我: 咁點先甩到身呀﹖
葉: 你真係鐘意Kathy 既話就快D 做野啦
掂左之後咪可以令到阿Jo 死心囉

之後...傾到三點我就同阿龍一齊返屋企訓囉
搞到依家晌公司鐘眼訓.. @.@

先唔理阿Jo 個筆..
都唔知Kathy 會唔會應承同我地班損友過澳門﹖
今晚試下搵機會問下先..

星期一搵唔到機會問Kathy 去唔去
但係尋晚....

我: Kathy，星期六你得唔得閒呀?
K: 如果你唔駛我OT 既話應該得閒既 ^^
我: d project 都做得七七八八，呢個星期應該都唔駛OT架喇
我: 你有無回鄉證架?
K: 回鄉證﹖無架...
我: .....(即時down咗...)

K: 不過呢...就有回鄉咭...hehe (心情即時由谷底反彈)
K: 依家個個都用回鄉咭架喇...(又係喎)
我: 呢個weekend d朋友約我去珠海玩兩日
阿龍都去，你黎唔黎丫?
K: 我未去過珠海喎，有咩玩架?
我: 嗰度好似有個唔知咩樂園，玩機動遊戲果D 呢
不過我地主要上去玩高卡車
K: 好似幾好玩咁喎...不過咩係高卡車丫?
我: 即係小型賽車囉
K: 嘩...好呀，幾時去呀? (點解佢好似仲興奮過我﹖)
我: 星期六下晝上去囉，我諗兩點左右啦
如果係既話，我收工同你一齊去join 佢地
K: 好多人去架?
我: 計埋你6個人
(有一對情侶:阿豪&晴晴 (簡稱豪情)、老葉、阿龍、我、Kathy)

我: 不過仲未知酒店D 房點分，因為得一個女仔去
但佢應該同佢男朋友一間房，或者你有無女仔friend同你一齊去丫?
咁你可以同佢孖房訓

K: hmm..(Kathy 諗咗陣).. 我諗應該無喇
唔緊要啦，我同你share都得姐，同房之麻
況且我地依家都同居啦...哈哈
我: 你唔mind就無所謂啦
K: 傻啦，唔mind喎
我: 咁好啦，我訓先喇，你都唔好咁夜...早抖
K: 我都差唔多架喇，Goodnight..^^

嘩﹗尋晚真係開心到訓唔著

但係忽然間又諗...Kathy 又會咁快應承都有既?

尋日朝我同Kathy 返工無耐
沖完咖啡出黎
就有個送花既人上咗黎
因為阿肥個位係最接近道門
所以..

人: 唔該請問係咪有個叫Kathy 既小姐呀﹖
肥: 係丫，咩事架?
人: 我地有個client 想送花俾Kathy 小姐
肥: 哦...跟我黎..

阿肥就帶咗佢去Kathy 到
紮花裡面仲有張Card，內容係乜我就唔知啦..
我心諗，夠竟係咩人膽敢送花俾我既Kathy 呢﹖

(不過講開又講..識咗Kathy 咁耐
我又好似一紮花都未送過俾佢啱..哈哈)

尋日有人黎送花，今朝又有

結果頭先我同Kathy 去老麥食Lunch
我笑笑口咁問佢...

我: 點呀靚女今日又收到花呀﹖
K: 哈~你又知既?
我: 邊個送架﹖男朋友呀﹖

K: 唔係啦.. 係舊同學黎架 (有少少唔抵得..)
我: 舊同學? 又會無端端送花既﹖
K: 係呀...上個黎拜我咪去咗同幾個舊同學食飯既，佢都在場架..

我﹕係呀﹖(怒火中燒)
K: ...以前讀Form 4 時候佢約過我去街
去過兩次，但係又冇乜feel，後尾佢無再讀書
而我又去英國讀左兩年，都冇再聯絡lu，直到上黎拜先見番..

我﹕哦... 係呀﹖(呢鋪死啦..忽然走咗個"第三者"出黎搞搞震...)
K: (好似越講越慶..) 好怪囉..佢呢幾日仲成日SMS 我..
做做下野佢就send 來...好鬼煩啊
我﹕唔好嬲啦..人地唔知你忙嘛，黎黎..飲杯氣水降下火

食完Lunch 返公司
有D無心機做野，一路諗Kathy 會唔會對呢條咁既友有feel 呢﹖

當Kathy 收花打開張card 睇既時候
面上又好似冇咩表情喎... 睇完就將紮花擺埋一邊，都無乜點去理

Kathy又話嫌嗰個野成日SMS 佢
於是..我就做個實驗..send 咗個SMS 俾Kathy，睇下佢咩反應

我: ~唔好做得太辛苦丫，記得久唔久就take a break 啦 ^^
K: hehe...you too la
我: 今晚去邊到食好呀﹖
K: 你話事啦 =p

照咁睇，Kathy 又好似冇厄我WO...

不過就呢條友....真係不可不防

早上十一點幾
電話忽然響起
聽到一把好嗲既聲音...
如果我話把聲唔係Kathy
你地又估唔估到係邊個?

J: 喂呀..做咩呢幾日都唔打俾我? (呢D 算係咩語氣﹗﹖)
我: 哦? ..哈哈..係咩﹖ 要趕Project 嘛
好多野做架...你咁早打黎既﹖唔係訓緊覺既咩?
J: 過兩個黎拜就Kathy 生日，陣間出去睇下買咩送俾佢..
我: 哦..係呀

(係喎..識咗Kathy 咁耐我都唔知佢幾時生日...真失敗
...不過依家既然知道係邊日，等我去完澳門返黎研究下點同佢慶祝先)

J: 係呢? weekend 有咩做呀﹖陪下我喇..
我: o下﹖...都係休息下囉(唔想俾佢知我地上大陸遊澳門..)
J: 係呀...聽日去珠海後日過澳門都幾relax 架喎
我: ...(即時大驚失色...佢點會知道架﹖) o.O
J﹕ 你好野...去玩又唔叫埋我
我: o下﹖ (口窒窒)..臨時間D 人話上去...我..我都唔知太清楚架..
J: 連Kathy 都去，你點會唔清楚﹗﹗﹗
我: ...
J: 我又要黎
我: o下﹖...唔知得唔得喎
J: 耶..(好嗲咁既語氣)..快D啦

事後我問番Kathy，原來尋晚佢地兩個煲咗幾個鐘電話粥
仲泄露埋去玩既詳情..就連Kathy 都叫我預埋Jo 嗰份
唉..原本諗住可以同Kathy 一齊玩，順便睇下有冇機會暗示下
依家連阿Jo 都黎埋
死喇..佢會唔會好似上次咁食咗我架﹖
唉...睇黎無得同Kathy 同房了

啱啱打俾阿龍同阿葉，連佢地兩個衰仔都舉腳讚成話受埋阿Jo 玩
都唔知好嬲定好笑...
究竟佢地係企我嗰邊定Jo 嗰邊架﹖

Saturday...

睇過天氣報告，呢幾日天氣麻麻
不過即使天公不做美，都應該唔會點樣影響我地既行程掛﹖

一放左工，我同Kathy求其去食左D野
跟住就飛的去中港碼頭join 埋佢地搭船過珠海
阿龍阿葉佢地一早就晌到等緊我地
阿葉見到Kathy之後
就拉我埋一邊...

葉: 嘩~你做乜叫埋關心研同我地一齊去珠海呀﹖
我: 哈哈..呢個係Kathy 唔係Jade 啊..
葉: 會唔會係嗰D 同母異父既失散姐妹呀﹖
我: ......
葉: 仲有你嗰個情婦呢﹖係咪真係黎架?
我: 佢話join 丫嘛...應該會掛?
葉: 一個Kathy 都已經咁正...阿**斷估都唔會差得去邊個呵?

一講曹操 曹操就到..
J: Sorry I'm late..
我: 時間啱啱好...介紹你識..阿龍，阿葉
(阿葉細細聲同我講: 呢件索呀﹗你唔要咁晒野呀﹖)
Jo好識得同人交際..識左唔夠一陣就同葉、龍呢兩個衰仔打成一片

等豪晴兩個到齊之後我地就出發了
人生路不熟，以為搭完船咁就搞掂..
點知原來去到仲要搭多成個鐘頭車先到嗰個唔知乜鬼野渡假城...
真係搭車搭到想嘔 ><"

check in完放低晒d野之後
就開始展開為期兩日 (應該係一日半) 既"追Kathy 行動"

分房方面..
豪晴一間房，無人異議
阿葉同阿龍一間房，無人異議
輪到我同Kathy一間房......有人異議

阿Jo 走埋黎同我細細聲講
J: 你地個個都同房..剩係得我一個人住一間房呀?
我: err...咁都無辦法架，我地七個人 點分都會分剩一個人架啦

好似拍戲咁...此時各人都異口同聲咁爭住同Jo 同房

阿葉同Kathy首先插嘴..
K: 不如等我同Jo同一間房啦
葉: 唔好...不如入黎我地間房住啦，可以節省開支又有我同阿龍睇住嘛
(哈哈..老葉呀老葉，真係咁都俾你諗到)

就連阿龍同豪晴都加入戰團...
龍: 唔得..咁會逼親阿Jo 喎..不如等我同阿Jo share 啦
豪: 哈哈，阿龍你就想喇...不如同我同阿晴一齊啦
晴﹕係囉..多人住氣氛都好D 嘛
葉: 唔得..咁樣會搞到你兩公婆架..黎我地呢邊好D...

佢地個個自告奮勇到七國咁亂...結果阿Jo 都係決定自己住一間房

之後本來諗住即時去飛車既，但天色已經開始昏暗，所以我地延後聽日先去玩
我地入住間酒店入面已經有好多娛樂，所以今日我地成晚都留喺酒店度玩...
先去咗浸溫泉，是男女共浴的﹗﹗﹗不過當然是著泳衣既啦

我唔講你地都會估到..當時全場最觸目嗰個會係邊個?
Jo 著咗件淺藍色既三點式泳衣
見野都幾溥下
再一次Show 盡佢既火辣身材
睇到阿葉同阿龍眼都唔斬
佢真係應該投身去做model 明星之類..

而Kathy 就著件橙色兩件頭泳衣，雖然唔係太sexy 但都幾好睇
(我仲發現Kathy 既身材原來都唔差架喎) 哈哈~ =p

因為更衣係男女分開，所以從更衣室出來後，Kathy都一直跟住阿晴...
害我無得坐Kathy 隔離，真冇趣...

坐我隔離既係Jo，我都唔知佢做乜
成日有意無意咁同我摸手摸腳
仲有好幾次搵個胸hi埋黎我手臂
搞到我又有晒反應，仲幾乎流埋鼻血 =.=
我已經好努力咁去避開佢.. 但係佢都仲借D 倚埃埋黎
不過Kathy 就掛住同阿晴傾計，好似無留意到我同阿Jo..

過左一陣，阿葉問有無人去按摩?
我第一個話唔去...雖然係正經場
但唔想俾Kathy 誤會我係一個骨精，再加上我唔係咁鍾意比人按摩
(報紙都有講喇..有人試過被按摩按到變左殘廢..)

跟住Kathy 同阿晴都話唔去，但阿豪同Jo 就被阿龍同阿葉硬拉咗一齊去
結果阿晴為左要睇實個男朋友所以都局住要去...

換句話講，即係得返我同Kathy兩個^^
由於已經浸左一段時間，所以我地都換返衫返上房等佢地班"骨精"...
離開個池嗰陣，我膽粗粗咁攬下Kathy 條腰，仲拖住佢隻手扶佢上水
(Kathy 皮膚都幾滑架)
嗰一刻我真係有觸電既感覺囉
不過可能係太過緊張搞到我拗晒低....放左手 ><“

返到房我怕佢悶，拎左部NDSL出來俾佢玩...
佢玩得好開心，話都想買番部，我應承左咗遲D 同佢一齊去買
我地輪住玩，我玩時佢睇，佢玩時我睇，我地兩個都玩到哈哈大笑好開心!

過左陣佢地返來了，我地一齊落去食dinner
食飯時，阿龍又問我得左米未..多得佢唔少-.-

食完飯逛左一陣之後返房，我地去晒阿龍間房玩啤牌，大家都玩得好開心
玩到一點左右，我地就各自返房訓了，因為聽日仲要全力去玩!!
我同Kathy 行返房，佢先去沖涼...我就坐晌床到打機，免得自己胡思亂想= =
佢沖完出黎，著住酒店的浴袍，好好睇呢﹗
然後就到我去沖
沖完出來時，Kathy仲玩緊我部機..

呢個時候無端端有人拍我地間房房門，打開門原來係阿Jo
見到阿Jo神色慌張咁...

我: 咩事咁驚青呀﹖
J: (好驚慌的聲音) 我間房有野呀..你快D過黎我度睇下喇 我好驚丫
(有嗰D 野﹖ 唔係咁猛呀﹖)

阿Jo 間房就喺隔離，我拿埋阿媽俾我傍身既護身符同佛像，睇下可唔可以用黎驅魔..

入到Jo間房，佢就好驚咁攬實我..

我: (拍拍佢膊頭)無事無事...唔洗怕..邊到有野呀﹖
J: 頭先沖沖下涼個廁所燈無端端自己熄咗呀....

於是我入去個廁所睇下，無野丫
只係個水喉開咗，同個燈膽燒咗咋嘛，大驚小怪
叫人換咗佢咪無事囉...

J: 我今晚唔想一個人住..你可唔可以陪我呀﹖(又拖住我隻手)
我: err...咁點得架﹖(我慢慢咁放開手)
J: 唔理咁多...我唔想自己一個呀，再唔係既我過黎你度訓
我: .....要問下Kathy 俾唔俾先得喎

本來係我同Kathy 同床.....結果變咗Jo 同Kathy 同床訓
而我就要屈就D訓地下...好彩我自己有帶睡袋 ><"

有樣野我好想問你地女仔好耐...係咪身材好既女仔著衫真係會開放D﹖ o.O
就連Jo件睡衣都係坦胸露背既 (好懷疑佢究竟有無一件比較正經D既衫)
唔好話我觀察力強，但係咸濕D都要講句..佢好似仲無戴bra 添呀...

我就背向床打側訓，一邊叫自己個心要定，唔好望阿Jo
一邊就控制自己唔好亂諗野

訓到咁上下，feel到好似有野搞我背脊
我就詐扮feel 唔到
但係搞完背脊就一路直落hi 落我屁股度
真係頂唔順..轉身一睇，原來係Jo 隻 "玉腳" 掃緊我

我: 你做咩呀? (細細聲講..驚嘈聲Kathy)
J: 人地訓唔著呀嘛...
我: 訓唔著你都唔好搞人喇 (真係想問佢係咪發姣)
J: 耶..都唔好玩既

我繼續訓唔再理佢，又訓咗陣..
好煩..唔知係Kathy定係阿Jo
成日好似喺間房到跑黎跑去
無耐Jo隻腳又黎撩我，搞搞下呢次仲踩埋落我條腰到
越搞越火...忍無可忍，我伸手打落佢到
(唔係拳頭嗰種打，係拍落去嗰種)

我﹕唔好再搞呀﹗﹗﹗(好火)
令轉身望下..咦? 阿Jo 同Kathy 已經訓咗囉
....個心當堂寒咗寒
呢間咩黎架? 唔係真係咁邪呀﹖

SUNDAY...

今朝一早我就morning call佢地落去食早餐
我仲叫Kathy同Jo 快快脆脆執野，此地不宜久留，速速離開...
佢地兩個都好似幾愕然，唔知道我既用意
我亦都唔敢將件事話俾佢地知，怕嚇親佢地

anyway...食完我地就check out出發去玩了
我地去咗賽車場玩車，超開心!
Kathy 亦好似玩得幾開心，而且佢手車都唔弱...
佢真係有D屬於運動型既女仔，好多野都好啱佢玩
不過點都估唔到阿Jo 同阿晴兩個包尾
阿Jo重撞咗阿葉幾次添 哈哈哈...

之後諗住去埋新嗰個樂園玩，點知個天就開始落大雨...勁掃興
跟住阿葉提議過澳門賭兩手，我地就一行七人坐船過大海
我都係第一次去金沙，都幾高消費...
我地各自分開玩...可能因為星期日既關係，個場都幾多人
我怕走失，於是就拖住Kathy一路走...
我地每人換咗五百蚊Coin，先去咗玩大細
Kathy 第一鋪就買中點數，賠左八賠...睇到我眼都凸埋@.@
跟住我贏下輸下，最後都係打個和
Kathy total贏左成二千幾蚊...我真失敗 =.=
最後我地買左D 澳門特產就起程返香港lu...

搭船返香港前，葉龍豪晴四個就周圍行
Kathy話要去一去廁所
咁我就晌女廁門口等佢喇
阿Jo就笑笑口走埋黎

J: 你知唔知頭先我輸咗五千蚊呀?
我: 哦~係呀﹖乜咁慘丫﹖
J: 都係你囉，又唔過黎support我...(我點support你呀﹖﹖)
我: 哦..今次唔得姐..下次實贏番既

跟住Jo 就問我借電話
我以為佢嗰部無電又或者想打俾friend
原來佢買咗條電話繩俾我..仲幫我穿埋添
(我唔用電話繩係因為嫌條野阻住..) =.="

J: 我見你部機都冇電話繩，咪送條俾你囉
我: (呆咗..) 哦...唔洗啦...多謝啦
跟住Jo 仲攬實我錫咗我塊面一啖 (搞到我面都紅晒..超尷介)

但係點尷都好..我真係唔應該受佢條電話繩...我真係應該及早推開佢
因為....頭先Jo所做既一切...全部俾Kathy 睇到晒...

Kathy 見到我地首先係呆咗陣
但係塊面就無晒表情，個樣有D 唔開心
我即刻推開阿Jo，好想同Kathy解釋
但係又唔知點講好..

咁啱遇到阿葉佢地返黎
我地就一齊上船
喺船到Kathy 全程好少講野
仲特登唔同我一齊坐，走去坐阿晴嗰邊
我就特登叫阿龍坐我隔離，幫手隔開阿Jo

Kathy 一路都唔望過黎我呢邊
我地七個人既氣氛全程都係死咕咕咁
就算係阿葉搞爛gag 都起唔到咩作用

我細細聲問阿葉...

我: x街啦今次...依家點好呀﹖
葉: ...估唔到Jo會咁飢渴喎...呢鋪斷正，難度好高姐

落船之後，大家都各自歸家
Kathy 自己一個標咗去搭的回家
我想追都追唔切...
返到屋企Kathy 一早就關咗房門
我試過敲門，佢話好累唔好搞佢...

直到今日....一句野都未同我講過..

自從返黎香港之後
Kathy已經兩日無同我講過野
佢一放工，等都唔等就走
(我當然想追啦..但係我身為阿head 點都要執埋手尾先放得工)

尋晚佢仲好野先返
一返黎就關埋房門
想入都無得入

今朝我比平時早三個字起身"等"埋佢一齊返工
點知佢仲早過我出門口
睇黎真係有心避我

唔知係咁啱定咁橋
今日佢返工只係返咗一晝
LUNCH 以後都唔見佢返黎
我問阿肥Kathy 去咗邊

肥: 佢好似話個胃唔舒服要去睇醫生
肥: 乜佢無同你講咩?

我send 過幾次 SMS 問佢有無事
佢都無覆我 ><"
打俾佢又唔聽 ><"

尋晚我都唔係好訓得著
所以就走上黎睇番我呢個post

好後悔點解以前唔去留意你地既留言
原來當中你地有幾位已經叫我小心提防阿Jo
我竟然無發現到...真係蠢材 ><"

我一路都以為阿Jo 只係當friend 咁玩玩下
點都估唔到今次玩出火...

尋晚我苦思點樣去同Kathy 解釋
參考過你地既意見
初步已經知道點講架喇

我唔係唔想早D講
我只係等緊天時地利..
希望今晚可以講到..

只不過...Jo嗰邊....
當我寫緊呢個post 既時候
Jo 打黎搵我...

J: 喂 honey...
我: 咩 honey? 你唔好亂叫好唔好
J: haha...你兩日無打俾我啦﹗﹗
我: 唔得閒咪唔打囉
J: 咩事咁燥呀﹖係咪有人激親你呀﹖唔好嬲啦，最多我錫返好無?
我: 阿Jo ...你知唔知你做緊咩架﹖你誤會啦
J: 誤會咩姐?
我: 我同你只係普通friend 你唔好諗太多啦好唔好?
J: (都唔知有無聽我講) 喂係呀...今晚我去媽咪到食飯，你都上黎啦
我: 你到底聽唔聽到我講咩﹖
J: 哎喲...有咩今晚先講啦..我晏D黎車你
咁就收左線

點解我好似成日都俾佢食住﹖
睇黎又要死多次

不過又或者可以趁機會講清楚...??

omg
长篇白话，连我都搞吾惦。

自從上次同Kathy "第一次表白"之後
我唔想俾佢....有種逼佢既感覺，怕[物極必反]
我想俾返以前我追佢、關心佢嗰種feel
而且上次佢並冇拒絕我
我估如無意外..我應該有D把握既

無乜點去update...
因為我花咗D時間去睇其他師兄晌呢個版到post 既經歷
睇下能否從中吸取經驗...

我同Kathy冇咩突破
一切如常..我地繼續有計傾
一齊返放工..我亦定必每日都去買三文治佢食

尋晚我地食完dinner 之後就去咗太古UA度睇Narnia
唯一既親密接觸就係上落樓梯嗰陣會拖下佢隻手
同埋晌戲院黑媽媽嗰陣扶下佢條腰
睇完之後我地就搭車返屋企

途中我同佢再次解釋 "被攬事件" 同埋當日同阿Jo 攤牌呢兩單野
Kathy聽完之後好似若有所思咁...
始終件事係因我而起
唔想將來成為一個包袱...(一定要講清楚去保住自己先丫嘛)
即使Kathy真係飛我...我都唔想一世被佢誤會

我: ....我冇第一時間同你講，係因為怕影響到你同Jo既感情
K: (有少少嬲)...但係你都唔應該瞞住我囉...我係乜都唔知囉 ><"
我: 我唔想你唔開心，所以唔敢同你講
K: 你唔同我講我會更加唔開心...
我: 對唔住丫...最多以後咩事都話你知啦...
例如: 我去咗邊..同邊個一齊..傾過D乜...
K: 咁又唔洗咁嚴重...
我: 再唔係既...我話俾埋你知我晌公司成日偷望Kathy既次數
...又或者Kathy被人整蠱既時候我偷笑幾多聲 等等...
K: (捶我手臂一下) 衰人...

我: Kathy..我對你係真心架...即使你鐘意既人唔係我
我都唔想見到你唔開心...
K: (塊面有少少紅) ...我..我都唔知你講乜..
K: ..我反而好擔心阿Jo，依家搞到咁其實都係我唔好
如果冇解紹佢你識就唔會好似依家咁啦
我: Sorry 啊...
K: 俾D時間我...

(咁即係點??) o.O
Yes 定 No 呢?
試過重複咁去諗返上面既對話
但係都搵唔到答案 =.="

目前亦有兩個隱憂
第一個:
我當Kathy嗰邊叫做暫時OK
但係阿Jo 嗰邊，我應唔應該再同佢講清楚呢?

第二個:
Kathy個舊同學...總是繼續日日送花俾Kathy
我有D睇到眼冤...
雖說Kathy 對呢條友冇feel
但係都係個心腹大患..更何況目前係非常時期
應該如何處理﹖

後話...
呢幾日我都有反覆咁樣去睇你地既意見
有位人兄話...呢個版最hit 嗰既個故事當中
我係追女仔最唔掂嗰個...(睇完我即刻笑咗出黎)
我認架...過往成日都食檸檬..都好少追到人 ><"
所以好缺乏 "呢方面" 既知識.. =.=

你地好多位講話要做D有 "heart" 既野先至可以打動到Kathy
點為之有 heart 呢?
買部NDSL 送俾佢實在係易如反掌
但係用錢買既野..總是不夠誠意
我又冇雞蛋仔有整野食既才華... o.O

不過你地其中有位人兄講話我既然係Design 人
就應該design D野出黎去表達我既心聲....
多謝你講呢返說話俾我
因為我有靈感啦....

我已經諗到送咩俾Kathy 啦﹗﹗

作為一個Design 人...我要自製一份禮物俾Kathy
而呢份禮物...我決定咗劃一幅Kathy 既畫
不過劃咗兩日都係覺得好鬼死垃圾.... ><"
尋晚嗰幅叫做OK...今晚返去再整埋佢先

阿Jo so far 都無搵過我
我諗佢都應該唔會再搵我吧?
不過有樣野都要多謝佢既...
上次佢講過我聽黎緊既Sunday 係Kathy 生日
我諗Kathy唔知道我會知囉 (一來我無問過佢﹐二來佢又無同我講過)
但係...送幅我劃既畫俾Kathy 做生日禮物又好似有D寡...
所以真係要開始諗下送D咩好...

最近幾日都係過得好平凡
冇咩特別野發生
依然同Kathy返工放工食飯行街
我就繼續搞爛gag 睇下佢覺唔覺得好笑
點知佢似笑非笑咁...仲話我個人好"冷"喎 =.="

唯一叫做有少少劇情既..亦都有少少色情
就係今日返工時搭地鐵我同佢面對面企
點知越企越多人
我同Kathy 幾乎要面貼面...

最尷尬既就係我地兩個係胸貼胸囉
即刻又有晒反應....
搞到我都唔知幾咁唔好意思
唔知Kathy 係咪都feel 到
佢成個人面都紅晒...
尷尬到成個上晝我地半句野都冇講過
死啦...會唔會俾Kathy 誤會我係色情狂架?? ><"

作為一個Design 人...我要自製一份禮物俾Kathy
而呢份禮物...我決定咗劃一幅Kathy 既畫
不過劃咗兩日都係覺得好鬼死垃圾.... ><"
尋晚嗰幅叫做OK...今晚返去再整埋佢先

阿Jo so far 都無搵過我
我諗佢都應該唔會再搵我吧?
不過有樣野都要多謝佢既...
上次佢講過我聽黎緊既Sunday 係Kathy 生日
我諗Kathy唔知道我會知囉 (一來我無問過佢﹐二來佢又無同我講過)
但係...送幅我劃既畫俾Kathy 做生日禮物又好似有D寡...
所以真係要開始諗下送D咩好...

最近幾日都係過得好平凡
冇咩特別野發生
依然同Kathy返工放工食飯行街
我就繼續搞爛gag 睇下佢覺唔覺得好笑
點知佢似笑非笑咁...仲話我個人好"冷"喎 =.="

唯一叫做有少少劇情既..亦都有少少色情
就係今日返工時搭地鐵我同佢面對面企
點知越企越多人
我同Kathy 幾乎要面貼面...

最尷尬既就係我地兩個係胸貼胸囉
即刻又有晒反應....
搞到我都唔知幾咁唔好意思
唔知Kathy 係咪都feel 到
佢成個人面都紅晒...
尷尬到成個上晝我地半句野都冇講過
死啦...會唔會俾Kathy 誤會我係色情狂架?? ><"

為咗完成我呢份傑作
尋晚搞到四點幾先去訓
個framework 已經搞掂，不過仲未上色囉 =.=
無論如何今晚要搞掂埋佢

可能因為連續幾晚挨夜，搞到我個樣勁殘
就連Kathy 都覺得我唔係好掂...

K: 喂..做咩你好似面色唔係咁好既﹖ 係咪唔舒服呀﹖
我: o下﹖無野丫...做乜無端端咁問﹖
K: 你對眼咁多紅筋...唔夠訓呀﹖
(傻妹...梗係唔夠訓喇...份大作都仲未整完...)
我: 少少啦....
K: 夜訓對身體唔好架...知唔知呀﹖
我: 知道!!^^

不過真係好鬼倦...於是就下放咗D權力，將手頭上既野暫時pass 俾Kathy 同阿肥去跟
唔得啦...都係哩入廁所 眠一眠先...

OHH 仲有樣野唔記得講...
我查清楚原來Kathy 係下黎拜一生日
唔係星期日...都唔知Jo 嗰日係咪亂up 特登冼我既
差D搞亂我全盤計劃

我點知?

尋晚半夜時份，正當我努力趕工既時候
Kathy 突然走咗入黎我間房
嚇到我幅畫幾乎收都收唔切..

K: 咦﹖你做緊D咩呀﹖
我﹕哦? 冇....間房有D亂，清緊D垃圾咋嘛...

(佢有D 唔係好信....暫時唔俾得佢知住架﹗﹗)
K: 真係﹖
我﹕係囉.....你有野搵我嗎﹖ =.=
K: 你星期六晚得唔得閒呀﹖
我: 哦? 做咩先﹖想約我出街呀? 要三個月前預約至得喎 kaka..
K: ...咁冇野喇

Kathy想掉頭走，但係我又點會俾佢咁容易飛出我手指喇丫
於是我捉住佢隻手...

我: 唔好唔好...約我喇 約我喇
K: (有D唔忿氣既語氣) 好憎你呀..成日都玩人..
我: 你cute 丫嘛...^^
K: 口花花....人地下星期一21歲喇
咁諗住聽晚同班friend去neway 到celebrate
你黎唔黎呀﹖
我: (哦﹗﹗原來係星期一!!!) 但係點解要星期六搞呀﹖
K: 好多friend 星期日唔得...星期一又要返工，咁咪Saturday 囉
我: 哦....好喎...一定到﹗﹗

佢同我講咗咁耐，我就捉住佢隻手咁耐
唔知係咪錯覺呢﹖...女仔既手真係好滑...好好feel 好暖喔 ^^
不過快樂不知時日過...Kathy 好似都發現到我喺到陶醉緊佢隻手

K: 我要訓啦..咸濕佬!!!
咁就返番房lu....><"

不過點都好...依家為自己set 咗兩個限期
今晚一定要搞掂幅畫
至於表白....睇下聽晚有冇機會
如果唔係...就晌禮拜一生日講啦﹗﹗﹗

唔講啦....入廁所眠一眠先

父親節嗰日，訓到皇天白晏
下晝出去同屋企人飲茶
阿龍就同佢女朋友一齊去咗佢阿婆度gathering

我問Kathy...

我: 你一陣有冇地方去呀?
K: No la...今日父親節都冇人得閒

佢個樣有D 難色，起初我以為只係佢怕成間屋得番佢一個人會悶...
但此時我先醒起，佢Daddy唔係香港，又無乜親人
突然間覺得佢好慘...
我好想帶埋佢去同我屋企人一齊飲茶，但我又唔知點開口...
而且以我阿媽既性格，肯定會嚇壞Kathy
所以最後都要留低佢一個人... =.=

下晝飲完茶，我地返咗將軍澳屋企打牌
之後阿媽話今晚晌屋企食飯，唔出去囉喎
諗諗下...唔得喎... Kathy 一個人喺屋企會唔會好寂寞呢﹖都係唔係幾好
於是我就同阿媽講...

我: 媽..今晚不如煮多個人飯喇，我有個朋友...
佢又無親人喺香港...帶佢上黎食好唔好呀?
媽: 哦? ...係男定女呀﹖ (聽完之後我都愕一愕然..)
我: o下?...係.....係女仔囉
媽: 咩人黎架?
我: 同事黎既..上次同你講話最近搬咗黎我度住嗰個囉
媽: 係咩? 你係咪 "候"人地架?
我: 啊... 冇呀...(一面尷尬)
媽: 是旦啦....

呼....成功過關!!! 好野!!! Kathy 可以黎食飯lu ^^

即時打俾Kathy 問佢賞唔賞面同我屋企人食飯
佢開頭話唔係幾好，但係我同佢講話 阿媽已經預埋佢份飯之後
佢就答應喇....我就即刻撲返屋企去接佢

出門口嗰陣，阿爸就同我講...

爸: 點呀? 又去溫女呀?
我: ..... (唔知點答)
爸: 幾多歲架﹖
我: 21囉
爸: 靚唔靚架?
我: ...我..我出去啦..哈哈 (求其笑兩聲就飛奔出去..費事又俾阿爸再問) =.="

廣告時間，等陣再打...
老細要膊頭有花既人入佢房緊急meeting 喎.. =.="

------

食餐便飯姐..Kathy 竟然用咗成個鐘頭去準備
又著衫..又整頭..又整下整下

佢又晌樓下買生果上黎..
我: 唔洗買啦，屋企都有
K: 咁人地第一次去你屋企嘛，點都要買少少野既
我: o.O...(真係有禮貌喔)

我地上到去..阿媽開門
K: 伯母你好
媽: (四萬咁既笑容) 上黎喇﹖下次唔洗買野上黎啦
K: 嘻...

之後Kathy 想入廚房睇下有咩可以幫手，不過就俾阿媽請返出黎
跟住我就帶Kathy 四圍參觀下，仲請佢入我間房坐添 ^^

食飯嗰陣，本來我以為氣氛會好沉默好尷尬
誰不知我阿媽好鐘意同Kathy 講野
大家有講有笑，絕無 Dead air...真係出乎意料 o.O
食完之後Kathy 話幫手洗碗
阿媽開頭話唔洗...但結果都俾佢幫手
(我就甩難囉...有人代替我幫阿媽洗碗)
哈哈哈哈...如果唔係邊有時間去打我對上嗰篇野...

我有細心留意過阿爸阿媽既言行舉動
得出既結論係...佢地都好鐘意Kathy
真係太好...我睇過好多case
原來好多父母對自己仔女既男女朋友係有不滿架 =.="

我地坐到差唔多十點就返屋企lu..
準備一番..等待半夜既來臨
一踏正十二點，我就send個 "生日快樂" 既SMS俾佢

然後心呼吸幾下..話俾自己聽呢次唔衰得架...跟住就入佢房...

我: Check 咗手機未呀﹖^^
K: 哈哈~睇到喇，多謝呀
我: 有D好野想俾你睇下..
K: 咩黎架?

我晌褲袋度拎盒野出黎，打開俾佢睇
(盒入面係一對耳環)

Kathy 又開心又感到意外...佢問我點解會買俾佢

話說我地放工等巴士嗰到有間首飾舖
有一兩次 Kathy 話過我聽呢對純銀耳環好靚
所以我就整雞雞買咗...冇話過俾任何人知..
就連Kathy 都唔知我會買

K: 點解會買呢對耳環﹖
我: 因為....我知道你既心意囉
K: ...(Kathy 面都紅晒)
我: 我知你鍾意食忌簾飽，鍾意入橙汁，鍾意白色既康乃馨，鍾意唱謝安琪Ｄ歌
我: ...鍾意既顏色係橙色，鍾意Mashimaro，鍾意睇曼聯，鍾意睇鬼片

Kathy 唔敢望我..令咗個頭望第二邊，但係就有少少咬住下唇
我拖住Kathy 隻手...坐晌床邊

我: 我知道我個人比較內向，講野又唔係好叻，又好遲鈍...
呢幾個月我好開心，因為每日都可以見到你，同你一齊返工放工，同你一齊傾計
同你一齊去旅行，同你一齊玩，同你一齊去party

講到呢到，我自己對眼開始濕...
我: 之前有D野令到你唔開心，但係我真係鍾意咗你...
我好希望每日可以晌你身邊陪住你...同你一齊

Kathy Ｄ眼淚已經開始流
我越講，佢D眼淚就流得越多
我冇再講野...拿咗紙巾幫佢抹眼淚

K: 衰人...搞喊人地...
(嘩！……得咗啦﹗﹗﹗﹗)

我即刻攬實佢，佢好似嚇左一跳咁，都黎唔切掙扎
緊住我就慢慢咀左落去

唔知佢係咪怕醜..佢有Ｄ 想推開我咁
但係今次我唔再做衰仔喇..死都唔放手，用力咁攬實佢
更何況佢點都唔夠我大力，所以無幾耐佢就無再掙扎，仲成身軟哂添

雖然初吻被阿Jo "唔小心地" 奪去，但係我呢一吻...真係情深的一吻黎架
不過唔知係唔係開心過頭..錫錫下好似缺氧咁..唔夠氣 =.=“
無耐我就放開佢了
佢成塊面都紅哂，有少少嬲又帶有D無奈既眼神咁望實我

我: Sorry 呀...
K﹕衰人...
我: 咁人地真係好鐘意你丫嘛...
K﹕.....
我: 係呢...我係唔係第一個同你講生日快樂既人呀?
K: 嘻嘻...唔話你知.. =p

之後攬咗陣我就返房訓lu..
(大家唔好心邪...我地冇做過你地諗既三級野)

可能你地會問...幅畫呢?
我諗都係等多一排先送啦...hehe
當時情況好似唔係好適合呢 :p

不過無論如何...我諗我同Kathy 已經正式係男女朋友關係啦 ^^
[It's all official now]