Kathy 生日嗰日..由於要返工所以過得好平淡
但係有D野唔同咗...就係我可以大條道理咁拖住Kathy 出街
事關未成事之前..我想拖但卻有點兒顧忌..依家唔洗諗咁多lu..^^

嗰日我地返到公司無耐就要開會
一路開會我就一路整整雞偷望Kathy，haha...原來佢都係一樣
搞到我分晒心..仲差D俾老細考起添 =.=
不過又真係幾好玩幾刺激囉.. ^^

開完會，有兩個女同事同Kathy 傾計
其中一個讚佢對耳環靚，仲問喺邊到埋添 (對耳環咪就係表白嗰對囉)
咁啱又俾我聽到喎，搞到佢當堂面都紅埋...
(Kathy 面紅嗰樣其實都幾得意架)

到夜晚收工嗰陣，本來諗住睇下去邊到食
但係Kathy 話唔想..所以就返咗屋企玩煮飯仔
好彩阿龍嗰晚去咗 "溫女"...所以又可以同Kathy 二人世界 ^^

我仲特別買咗個細既蛋糕同佢真正咁樣慶祝
吹完蠟燭之後，我問佢...

我: 許咗個咩願呀?
K: 嘻...唔話你知 =p
我: 咁你又知唔知我許咗個咩願望呢?
K: 又唔係你生日...咁係咩願望呀﹖
我: 秘密
K: (拉住我手臂猛咁搖) 耶...快D講丫!!
我: (我就晌佢耳邊細細聲講) 我呢..希望可以年年都同你一齊慶祝生日囉

Kathy 今次冇面紅，反而笑得好甜 仲話我口花花添
講完我就輕輕錫咗佢一啖

之後佢要上網Check email
我就陪佢一路check 一路晌後面攬住佢咁囉
咁就一日喇
所以總括黎講都係過得好平淡
但係我諗我經已好滿足lu.. ^^

回應番大家既疑問...

你地個個都問我會唔會同Kathy一齊以後就唔再返黎update..

我寫呢個post既原意其實有少少係當寫blog 既性質
同blog 唔同之處就係可以聽到大家既comment..
好多師兄師姐都教過我幾招
所以我喺度想多謝大家俾咗咁多意見我
不論係讚又好，插又好 都要多謝你地^^
即使冇留言過，我都多謝你賞面入黎睇

我諗我會繼續寫既...
不過我驚會悶親大家囉
畢竟我個人比較沉悶，身邊發生既事都係D好濕碎既野

另外我暫時唔諗住張呢個post話俾Kathy 聽
因為我都唔知點同佢講好..
唔知佢會唔會唔高興呢﹖
或者遲D吧﹖

仲有我睇下今晚再問下Kathy 我算唔算係佢男朋友先
hehe...你地唔提我，我都忽略咗添 =p

哼﹗真係睇少陣都唔得
我兩日冇上黎就搞件咁既事出黎

我將呢個POST 當做自己既心血去看待
晒心機挨眼訓
冒住被老細鬧被老細發現既險..
冒住被同事嘲笑既險..
冒住被朋友講閒話既險..
冒住被Kathy 發現既險..
冒住種種其他既險寫出黎..
就係希望自己可以有機會同Kathy 開花結果
就係希望可以將來俾到自己一個美好既會憶
就係希望可以尋求到大家既意見

誰不知我一唔上黎呢度就即刻有人黎搗亂...

我可以同你地講
Kathy 依家只係離我五步之隔
而我同Kathy 依家已經係男女朋友身份

我寫得出黎就預咗會被人讚被人插被人批評
唔鐘意睇既可以唔入黎
唔信既、唔抵得既、唔like 既、唔俾面既...
隨便你，我專重你意見

入黎搗亂搞事搞搞震既...我阻你唔到
我亦唔知你係咩人，亦冇睇過你所謂既LINK
更加唔知你咁做係有咩目的

但係我絕對唔會就少數搞事者既出現
而辜負其他人對我既期望及支持

返工已經夠忙，仲要叫我花時間晒口水去解釋
我諗真係冇咁既必要囉
自私D講...
與其係咁，倒不如自己花多D時間同Kathy 共度時光罷了..
不過睇見個Post 被你地灌水灌到咁既地步就真係有點兒....

anyway...
呢個星期既幸運程度就真係衰到貼地
除咗晌呢個 "虛擬世界" 度發生事之外
就連現實生活都唔好得去邊

先係今朝返工，晨早阿肥同個客傾電話
傾傾下阿肥無端端Pass 俾我聽
我又唔知佢乜頭乜路
俾個客鬧到一面屁，鬧完都唔知佢鬧乜

客: 叫你地做個Demo 都做得唔好..你地夠竟識唔識野架?
我: 哦..哦? o.O
客: 俾咗咁多錢你地，做到咁既衰樣，點解釋先﹖
我: ....請問你講緊邊個Project 呀?
客: XYZ....

原來佢係搞錯咗公司
應該係鬧另外間公司，但係就打錯咗黎我地嗰度 =.=
真係痴痴地線...

收完線條氣真係好唔順
咪"詔見"咗阿肥成半個鐘，教佢以後搞清楚先好叫我去聽
真係谷氣...依家諗起件事，我D火又氣啦....

尋晚仲PK..
放工食完飯就同Kathy 行街街
誰不知過完馬路就被支盲公竹撬腳
仲幾乎當場PK ....幾乎姐...好彩都冇
周圍既路人都望住我.. (真係勁樣衰)
最弊就連隔離個師奶都笑埋出黎...(香港人真係一D 關心都冇) =.="

Kathy 雖然都有問我有無事
不過佢返到屋企先笑我...

K: 擦咗牙未呀..盲公?
我: .....=.="
K: 哈哈...你成日行路都唔帶眼既
我: ...聽人講掂到碌盲公竹會衰三年
都唔知會唔會"賴"野添 ><"
K: 邊個話架﹖我未聽過喎...盲公
我: 你叫我咩話﹖...睇你以後仲敢唔敢笑我?!
(講完就一手攬住佢，一路攬一路"jit"佢...)
K: ...唔好呀...快D停手呀...哈哈..

都成個黎拜冇上黎POST 野囉...
原因只得一個 --------> 有少少懶咗 XD
不過既然應承咗大家，我就會繼續寫架啦

首先要講既係澄清呢回事
我冇乜諗過要出澄清D咩
因為....我都唔知點去澄清
咁我同Kathy 依家係喺埋一齊架嘛
咁我地真係有經歷過
我又付出過努力去追
咁件事係真既..所以我都唔知講D咩好

你地有D仲叫我POST張相同幅畫出黎
well...我諗都係唔POST 算囉
畢竟阿Mark哥同雞蛋兄佢地都冇POST相啦
更何況為為咗Kathy 既人生安全，都係小心為妙

星期六晚，我、Kathy、葉、阿龍 & 阿龍條女去咗阿豪屋企食飯
食食下飯阿豪講咗個電話經歷

話說有日阿豪接到個電話
對方係「講國語」既，話阿豪抽中咗獎
可以做VIP出席個唔知咩既簽名會，仲有份上台同曾志偉、周潤發一齊剪綵
但係就要先俾$30,000 保險費喎，話要買咗保險先有得剪綵，確保人生安全...
抵死既阿豪不焉有詐.....仲同對方講價
收尾就降價到$15,000，仲即刻過戶添
後尾阿豪想打番俾對方
但係個電話已經Cut 咗lu...
咁就冇咗萬五蚊...
哈哈哈哈...我地個個聽完之後都笑到停唔到口
不過就真係慘D既....
被人昆咗筆錢之餘，仲被阿晴(阿豪條女)鬧咗成個禮拜 =.="

另一樣野...Kathy 個細佬早排晌英國整斷腳
所以佢想下黎拜過英國到探下佢細佬順便探下屋企人
唉...估唔到我同Kathy一齊無耐，就要嘗試分開既滋味 ><"

我觉得个过程既感觉好正，我想稳番呢种平淡同简单既幸福感！

终于追完啦

5好睇么？

系77go睇过~

我就系果度巢返来的，我见呢度无吖嘛

不错，顶顶！

写得真系好好。好细腻噶男子啊。睇完好似我都恋爱左一场！

晕呀！不喜欢看白话文

是挺好看的，不过我是从中间开始看的，开头他们怎么认识的没有看。

白话，看不懂。

顶下

还有下文吗？

睇完之后觉得自己好似好老甘! 后生既感觉真系好正!

无下文了,虽然烂尾,但系感觉好正

oooO ↘┏━┓ ↙ Oooo
( 踩)→┃落┃ ←(来 )
  \ ( →┃√┃ ← ) /
　 \_)↗┗━┛ ↖(_/

就這樣了？還想看