转载一个故事，曾经在香港讨论区好hit的，“me＆her”

过左一年了，唔知他们两个现在怎样呢。post呢张贴上来的原因系故事里面果种feel好正！！

我第一次o係地鐵站遇到「佢」
個朝早勁大風大雨，好多人都企向地鐵站口等細雨d先行
而我因為要趕返公司，所以濕身都要頂硬上
不過站口實在太多人避雨，我係咁講:唔該借借...唔該借借...唔該借借...
直到迫到去一個女仔後面，我講極唔該佢都唔理我，比佢頂住我又出唔到去，於是我就拍一拍佢搏

頭
佢令過黎望下做乜，我做了個唔該借借的手勢(haha...我都唔知點形容)
原來佢戴住個headphone聽緊歌，唔怪得十問九唔應咁 -.-
當時我除左做那個奇怪ge手勢外，對眼一直都無離開過佢塊面...因為佢實在太靚喇
雖然唔捨得，但都要趕返公司...

由於呢間公司既員工大多數都無乜時間觀念ge關係(包括老細 = =)，除左阿頭之外我多數都係

最早返到ge一個
因為我對上就係阿頭同老細，d野多數都要我follow，所以唔可以遲
而且做Designer最重要既就係守時!
返到去仲有時間沖杯咖啡，食件三文治，早知係地鐵站口望多陣...
之後阿頭話一陣會有個junior來試工，叫我lead佢
過左10分鐘左右，門鐘響起...我咬住件三文治去開門
點知去到門口我呆左一呆，佢竟然上左黎我公司
我緊張到成份三文治放晒入口，嘰呢咕嚕咁問佢有乜貴幹...(真係出晒醜)
佢笑住咁話: 你咪頭先地鐵站果個?
我: ar...係呀 (依然係滿口面包...)
佢: 你都係度做架? 我今日第一日返工ja，多多指教
我: 哦...你就係新黎果個junior，o岩喇~跟我黎 (終於吞了...)
原來佢就係黎試工既junior 阿頭真係對我好!!!

於是我就帶佢去佢個位，交代佢要做既野...
之後我就埋返自己個位開始做野了 (當然不時望下佢有無偷懶啦...haha)
到左Lunch，平時我多數都會叫飯盒，但今日有新同事黎，其他同事提議一齊出去食
結果我地去左飲荼
可能面對一個怕生既環境，而我同佢又有一面之緣，所以佢都主動咁同我坐埋一齊
而且因為我同佢係上司下屬既關係，所以同佢接觸既機會亦好多
我同佢亦都係呢個禮拜開始熟落起黎...

佢個名叫Kathy，20歲，係一個文靜又帶點活潑ge女仔，個樣有d似關心研，著衫很有style，

絕對係人見人愛果種
阿頭問我有關佢既工作表現
我當然係有讚無彈啦，所以阿頭亦打算升佢做正式員工，叫我同佢講
我問: Kathy~今晚得唔得閒?
K: 下...又OT呀?
我: 你唔得閒咩?
K: 唔係...不過OT左2日好攰姐
我: 做design係咁架喇...比心機啦
K: 好囉...咁要OT到幾點呀?
我: 我都無話要你OT
K: cher~咁又問我得唔得閒?
我: 想問你得唔得閒今晚食飯之麻
K: 下? 同你? 2個人?
我: 你想帶隊足球隊去都得既~haha
K: 係咪你請先?hee
我: 唔係喎，係你請先o岩
K: 點解呀?
我: 興祝你pass左試用期，成正式員工
K: 真架?~~
我: 係呀...以後要比心機喇知無?
K: 耶~咁請你食飯啦

就係咁，尋日就係我同佢第一次撐枱腳...
我地去左食pizza hut，佢表現得超開心，唔知係因為佢鍾意食pizza開心? 因為升職開心?

定係因為同我食飯開心呢? haha (發夢....)
埋單時本來諗住我請的，但佢話講好左佢請，死都要掙比錢，仲將我張500蚊紙渣埋一舊掉左入杯...=.=

食完野行左一陣，送左佢去搭車之後我就返屋企lu
返左去之後一直回想返發生既事,真係有點不可思議...所以想同大家分享下我既感受

[ 本帖最后由罂粟于 2009-8-25 23:35 编辑 ]

2009/08/25