孕妇在职期间受歧视，公司以调职为由逼我辞职！
14695163怀孕妈妈
antoni可惜，好景不长，做到9月既时候要结婚，老细都好勉强甘俾十三日既婚假我休，后来有左BB，我知道有产检假休呢样也，就同公司讲，但财务（大老细个妹）就话无甘既先例，唔想俾我休，甘我就去左问第二大既老细（距负责管理我地公司），二老细就话：“OK，我地按国家黎，呢D假期当然会俾番你休”（查实当初我就系因为呢间公司话D假期全部按国家，我先会入去做既！），点知当财务知道后就去稳二老细投诉，投诉既时候，二老细同最市侩既四老细一齐，财务出黎之后就直接叫左我入去喷，四老细一见我就话：“我地毕竟都系私人公司，而你又未做够一年，国家既要求无可能按照到十足，费事其他人去学你，甘样我地唔需要开公司，搞计生就得啦，不过又唔至于一D人情味都无，如果你去产检既，检完就即刻番黎”，二老细系旁边一直都无出到声！当时真系想TMD，医院系工业大道，做也系番禺南浦，嫁人后住系大学城附近，天南地北甘，叫个大肚婆周围走，难为距讲得出口啊！之后虽然无话产检完即刻返公司，但每次听到我要请假，四老细既口面就黑晒，采都唔采我，难为我当初好心，见距老婆生蛇仲稳左D方法俾距，搞掂左（当初觉得距几好人，又开车接埋我地返工，而我妈咪又岩好系识得药材既就叫我罗俾距）！因为财务系网上稳到资料：“怀孕第1—6个月，可享受1天假期，用于妊娠确认，申请生育指标，以及生产培训等。怀孕第6和第7个月，每个月可享受1天假期。怀孕第8个月，可享受2天假期。怀孕9个月以上，可享受4天假期。”但我除左去产检，仲要去上课，无论公司有无计我公假，要请既我仲系要请既，无理由因为你地D老细唔中意就误左我自己既事！
当临产既时候越黎越近啦，请假越黎越频（连产检假在内），三个负责管我地既老细（大老细唔管既）同财务对我既意思越黎越大，好多时我做也都开始鸡蛋里挑骨头，成日乘机搞小动作，开头都只系削我权，唔俾我做采购，要我交晒D也比个新人（采购呢个名查实只有虚名，只负责落单、稳货源、报价，一律外出购货既都唔会俾我接触，只可以系公司坐镇周围都唔可以去），教距要点做，系最短时间内可以上手，间中仲稳番D旧也出黎话我做得点唔好点唔好甘；跟住就直接要我同个新人连坐个位置都调埋，叫我去开单，理由系我就快休产假要谷个新人上手；今日竟然好干脆甘话叫我上7楼做闲人，工作内容，帮手执也，理由系孕妇唔好对甘多电脑同手机，而且新人要断奶，要令距独立唔再依赖我！你地睇，D理由好听到不得了，而且人地完全系为你设想喔，我一听个三老细甘讲，就知道今朝开会，个新人肯定捅左我几刀，因为距个位置好忙，而距见我开完单就好得闲甘可以上网，搞下台手机充电甘（因为数据线接触唔好，成日会充充下断线），眼红到不得了，距唔林下，当初我都系甘行过黎架咋，上一手都系只教左我一日，全部都系我自己学架咋，依家仲有我肯教距仲想点啊？明知自己搞唔清D也，又唔俾多D时间去学去记，咩都搞到乱糟糟，就系识得咩都问我，老细叫距做咩距都话唔识，搞到D老细以为我唔教距唔俾也距做，今日仲搞，四老细居然开明炮，话我咩都丢晒俾距做，甘距地玩晒啦，我教距，距地又要插只脚埋黎话我唔放手，甘我放手等距自己学习去做啦，又话我咩都丢晒俾距做，想点者！讲来讲去就系见我未做够一年，就要俾我休婚假、产假，讲真，你唔顺气既，米直讲罗，何必搞甘多小动作，以前听得多啦，但轮到我面临呢个问题既时候，先确切甘感受到咩叫心心不愤，以前系邓人唔抵，依家系觉得帮间公司做甘多也唔值，仲要俾人误会我罗两三千人工，以为我系卧底！我忍，我就坐两个星期～
2012/04/13
全部回帖
antoni楼沙发×゛Ritaゞ:
呵呵，很艰难的把这篇粤语篇看完啦。 说实话，现在的公司都是这样的，我们公司是外资企业，老板是外国人，公司上上下下也都是听我们财务（30多岁的一个女人）的。 我们公司唯一的好处就是一切按照国家法律来办，劳动法怎么写，我们就怎么依法办。 每个月1天产检假是有的， 然后产假3个月也都有，生育险也买了。 虽然这样都能满足我们，但我整天挺个大肚子去挤公交挤地铁的，跟公司申请早上迟1小时上班，就被公司驳回了，说这不在法律范围内，呵呵，想一想算了不跟公司计较了。
查看原文起码你公司不会借故找你麻烦调你职位逼你走吧！
2012/04/13回复
antoni楼板凳ぐ`い珊~ズ:
我发觉我同你情况差唔多。不过我系公司差唔多做左两年。我同老公都系公司识噶，老细唔中意有人系公司拍拖，搵个借口炒左我老公（我老公系D好朋友嘅细佬）。之后我地发现有左，跟住闪婚。自从老细知道我地拍拖之后，都几乎对我系爱理不理，我一入到公司个阵，同你差唔多，上一手教左我一个月，之后我业绩比上一手翻左好几倍，老细好重用我噶。 而家我D产检假同你个D一样，我都觉得头6个月得一日简直离晒谱咯。产假放得90日，问佢独生子女啊，剖腹产可以延长假期，跟住佢又话公司政策问题，无呢D假。加上公司而家时不时装修，有时好大阵味，感我梗系要请假噶啦，个D假全部都实打实扣钱。唔系霖住有个生育保险可以报销，其实霖住一早唔做噶啦。
查看原文查实我都系睇在到时生育保险果D津贴营养费报销既钱，如果唔系我都一早就走左啦，何必睇距面色者，而且，我无问公司呢方面既政策，总之距话按国家既，我D假期就休完为止先返工！产假90日，晚婚晚育15日，独生子女35日，我就唔休独生子女果个者！有D公司系唔中意同公司有人拍拖架，惊会有影响吖嘛，如果结埋婚米变双职工罗！
2012/04/14回复
antoni楼5楼lovex:
感同身受，我以前也是被调职过，不过公司大，调动后待遇也算不错，只是这个心里受不了气，我一直在这岗位上待到孩子一岁，除了上网也没事干，就当是休息了，现在自己辞职不干了。提前一下，只要你不同意，公司也没办法的，如果敢炒你，就去告他去。本来关系已经搞成这样，以后你也待不下去了，生了孩子，享受完你的福利，再走
查看原文问题就在于，依家只可以忍，唔可以得罪距地，因为到时仲要靠距地划番笔钱俾我，社保规定要划落公司既，好歹都要忍到钱到手之后，走既时候先一齐同距地计数！
2012/04/14回复
antoni楼7楼wingwu19870215:
楼主，您的情况，我想很多妈妈可能在怀孕时期有遇过这种待遇，但怀孕期间他也不会炒你的，老板总系为难你，你听听就算了，自动屏蔽罗，的确有好多衣d老细，反正我林你经过衣d甘既经历，就算生完bb到时你都会考虑换份工啦，咪挨完衣段时间先罗，该请假就请假，你一大一小到时一个大肚子很辛苦的，人家难为你，你要好好疼自己才是啊，加油哦
查看原文我都清楚，学我老公所讲，并唔系只有我系甘，每个孕妇既公司都会甘样，但我就系唔愤气距罗稳D莫须有既罪名安系我头上作为理由调开我，我做呢份工问心无愧，对得住距地架喔，而且，好多人都系生完返去先俾人玩者，但我都未生距就已经甘对我啦，唔谷气就假啦！不过我会忍，到时再同距地慢慢计数！走既时候都要散番D怨气先，费事距地以为我好吓～
2012/04/14回复
antoni楼8楼daria_cat:
我当时都系甘啊，间公司借口话自己系私人公司，就唔会跟国家规定！都唔知系咩道理！又唔签约又唔帮我办生育保险，变相扣咗我一半人工，又唔炒我，我未翻去日日坐系公司hea咯，俾几钱人工就做几多野，最衰就系拿唔到任何证据告间公司！后来我生完个女，就唔通知公司直接走人了。甘的公司唔值得留恋。
查看原文距稳咩理由扣你一半人工吖，就算你咩都无同我搞，都无理由无故扣人工架，依家D公司真系越黎越离谱吖！
2012/04/14回复
antoni楼9楼蓝妹妹2:
就算是政府部门产检完都要马上回去工作啦，何况是私人公司，楼主你这样的要求确实难以让私企老板接受。
查看原文边个政府部门要产检玩返去吖？你佛山果边？如果系甘距个规定就唔需要写一日啦～
2012/04/14回复
antoni楼14楼gracecui21:
无论你之前贡献了几多，一旦怀孕了，就好像是挖公司财产那样我就更加惨了，有个无良的变态女人上司，还是过来人，都这样对孕妇
查看原文依家我米就系俾人当贼甘罗，果日成个下午，个财务睇住我执也，我郁下都及到实，今日仲搞，听个同事讲，话财务同距讲，距寻日好忙，忙住及实我，真TMD～做财务得闲到甘既程度仲好意思周围同人讲距好忙！
2012/04/14回复
