佢肯退就无问题嘅～

如果系酒店门市价嘅现付价（住后结算价）系浮动嘅。假如你订咗以后，过一段时间浮高咗，酒店唔会主动加你价，同样，降低咗亦都唔会主动帮你调低，呢个时候就要你自己关注个价，假如低咗你可以要求酒店帮你refresh

你按照预付同现付（住后付）区分就明了

乜E+出去玩仲兴订酒店个咩？

呢家讲下房间嘅upgrade 同 downgrade（downgrade都有？！呵呵，你唔系做酒店你梗系唔知啦）

经常住酒店嘅朋友，或者好彩都d嘅，应该会试过被升级房间 ，不过，唔系因为你靓仔靓女先升你噶，酒店毕竟系盈利集团来嘅。

点解会升级？

最大嘅原因系酒店会 “overbook”，超额售卖。大家记唔记得前排有则新闻，话美国有个航空公司夹硬要一个韩国人改期，人地已经坐定定，梗系唔制啦，于是乎就打到人地口肿面肿。其实就系航空公司超额售卖机票，但系无人改期，于是乎坐唔落，又唔可以好似巴士咁企住，所以就有呢则故事啦。

又如酒店，特别系五星级嘅，大部分人去住都系想感受服务，房型都系订最基础嘅，始终悭得就悭嘛。所以，譬如话酒店有100间基础房，20间行政房，2间套房，实际会俾某日订基础房嘅订单到110间，预计有10个客会放飞机。就算系都听听话话来晒，起码仲有行政房可以upgrade。（有d老手甚至会订到125，就赌有d会唔来，冲满房。满房对于酒店来讲系非常好嘅意头，饭堂都加餸噶。）

至于边d人会优先upgrade？当然会从高级会员着手先啦～下次再讲可怕嘅downgrade啦～～

你中意咯

一直去哪解决

好生羡慕呢

多谢LZ介绍，学倒野拉。我一般都系*程或淘宝订，未试过电话给酒店订房。
此招系唔系对星级酒店有效？

边招？

好攰噶，又受气，人工又奀。不过可以知道好多内幕嘢～

骆驼网嘅单基本去咗X程

接上: downgrade，房型降级

呢种情况嘅前提，同样系超卖。譬如话酒店系入住高峰期，会减少基础房型嘅门市售卖。毕竟系高峰期，属于卖家市场，一房难求，呢家就有可能拿贵嘅房超卖。

同样道理，所有客人都来住，实有人住唔到原来嘅房，咁呢个时候，假如又无更高级嘅房型升级而且低级房型有余，咁恭喜你了，高价买入低价房。

当然，升级咗嘅，酒店梗系会同你讲，downgrade咗嘅，咁就祝你哑仔吃黄连了～

不过，事在人为，要避免downgrade，系有d办法嘅～呢度就唔公布啦～毕竟系内幕技巧～

下次大专题: 点样用低价入住五星

支持楼主爆料

可以嘛，我看携程那个取消险，是要很多很特殊的情况才可以退钱。什么考试临时取消啊，所以就没买取消险。

第一次听闻，酒店门市价会低于代理线上价。每次去酒店大堂办理入住，见到墙上果滴标牌价，都吓死人。