我地夫妻两个都系广州越秀区出生长大，婚后依然同爸妈共住享天伦。点知宜家为小朋友幼升小搞到头痕！因为两边父母都有屋，距地又帮手凑细路仔，况且唔想做房奴，我夫妇一直无系越秀区买楼，而是去广州新区买大屋当度假。直到最近准备细路仔读小学至发现，虽然全家户口都系越秀区，父母房产证都对应，但教育部门可以要求我小朋友去新区稳学位，因为果间至系我两公婆完全房产？！户口对口小学唔系重点，我只希望我既小朋友可以留系越秀区读书，甘样唔过分吧？！但面对甘既规定，我只能听天由命，保佑明年报名人数唔超过计划。唔系既话，我小朋友会被“统筹”！所谓统筹，即系收系人情，唔收系道理，无得咬数！纯正广州人既小朋友无学校接收，呢个结果真系无办法接受！我爱我既广州，但政府点样保障本地人既基本受教育权利？难怪外母们要问未来女婿拿出间屋，因为唔止系有要瓦遮头，而系关系到后代的教育大计！现实太残酷！解决方案有以下：一是啃老叫爸妈将房产过落我个名，搞到距地临老咩都无揸拿；一是我将心爱的新区大屋卖左，变成无房产人士；一是挖晒积蓄死悭死抵供一间“学位/学区房”。老实讲，边个方案我都唔愿意！除此之外，我唯一能做的就是睇天碰运执一个学位。