睇下你肯唔肯摆低面子咯，五星酒店注重形象，就譬如我地酒店集团就系最“纵”客嘅，肯摆低面子缠，只要系酒店许可范围内，都有得倾

呵呵，羊毛出在羊身上啫～不过酒店会时不时搞D double trible积分活动，留意官方渠道啦

旅行社，譬如广之旅，南湖等等，线上旅行社譬如X程 X哪儿等等，都会同酒店签合同，一种系同酒店嘅门市价一样价，都系住后结算嘅。一种系包房，包酒店一定数量房后，再卖俾住客，呢种系需要客人提前俾钱预付嘅，会俾住后结算嘅便D，但系基本系俾咗钱就唔可以退，或者退钱收手续费

你确定住嘅话，酒店仲有门市嘅预付价，总体来讲就系
酒店预付价＜第三方预付价＜现付价（住后结算，一般第三方与酒店嘅都系统一价）
好简单嘅道理，线上线下旅行社要赚佣金，羊毛出在羊身上，自然贵。
关键系，好多人唔知道酒店最便嘅价，系因为  懒
自己上酒店官网睇睇嘛。。。又唔系急住去开房做乜做物😝

吴广德集团😑

担保咗？其实最好系订嘅时候睇清楚条文，X程写清楚嘅话，真系可以唔退俾你。

一般五星嘅都会换嘅

佢肯退就无问题嘅～

如果系酒店门市价嘅现付价（住后结算价）系浮动嘅。假如你订咗以后，过一段时间浮高咗，酒店唔会主动加你价，同样，降低咗亦都唔会主动帮你调低，呢个时候就要你自己关注个价，假如低咗你可以要求酒店帮你refresh

你按照预付同现付（住后付）区分就明了

呢家讲下房间嘅upgrade 同 downgrade（downgrade都有？！呵呵，你唔系做酒店你梗系唔知啦）

经常住酒店嘅朋友，或者好彩都d嘅，应该会试过被升级房间 ，不过，唔系因为你靓仔靓女先升你噶，酒店毕竟系盈利集团来嘅。

点解会升级？

最大嘅原因系酒店会 “overbook”，超额售卖。大家记唔记得前排有则新闻，话美国有个航空公司夹硬要一个韩国人改期，人地已经坐定定，梗系唔制啦，于是乎就打到人地口肿面肿。其实就系航空公司超额售卖机票，但系无人改期，于是乎坐唔落，又唔可以好似巴士咁企住，所以就有呢则故事啦。

又如酒店，特别系五星级嘅，大部分人去住都系想感受服务，房型都系订最基础嘅，始终悭得就悭嘛。所以，譬如话酒店有100间基础房，20间行政房，2间套房，实际会俾某日订基础房嘅订单到110间，预计有10个客会放飞机。就算系都听听话话来晒，起码仲有行政房可以upgrade。（有d老手甚至会订到125，就赌有d会唔来，冲满房。满房对于酒店来讲系非常好嘅意头，饭堂都加餸噶。）

至于边d人会优先upgrade？当然会从高级会员着手先啦～下次再讲可怕嘅downgrade啦～～

你中意咯

边招？

好攰噶，又受气，人工又奀。不过可以知道好多内幕嘢～

骆驼网嘅单基本去咗X程

接上: downgrade，房型降级

呢种情况嘅前提，同样系超卖。譬如话酒店系入住高峰期，会减少基础房型嘅门市售卖。毕竟系高峰期，属于卖家市场，一房难求，呢家就有可能拿贵嘅房超卖。

同样道理，所有客人都来住，实有人住唔到原来嘅房，咁呢个时候，假如又无更高级嘅房型升级而且低级房型有余，咁恭喜你了，高价买入低价房。

当然，升级咗嘅，酒店梗系会同你讲，downgrade咗嘅，咁就祝你哑仔吃黄连了～

不过，事在人为，要避免downgrade，系有d办法嘅～呢度就唔公布啦～毕竟系内幕技巧～

下次大专题: 点样用低价入住五星