好抵吖,LZ真系有个好帮得手嘅细佬.

系啊，我连订机票都唔识。英文又唔掂当，无距我就去唔成咯。

        2月14日，往海龟岛出发。坐船大半个钟到达海龟岛，每人费用25美金，小朋友免票。一开始以为海龟岛可以睇见好多海龟，但去到先知系可以睇到，但都系饲养系池入边噶。无咩意思，有D失望。
       2月份系巴厘噶雨季，所以今日一早就落雨，阴天。








在岛上食完午饭坐船返程，食饭时又落一场大雨。

    LG系潜水狂热分子，以往去泰国同沙巴都系以潜水为主。今次因为其他人都无潜水兴趣，所以LG坚持最少要有三天安排比距潜水。所以离开库塔，我地就往适宜潜水噶陶兰本出发。沿路噶梯田让我地停下脚步。










到达陶兰本，稳到一个酒店，200人仔一晚。

        我潜水也好菜鸟，只系OW。LG准备要考DM。我无太大兴趣，也跟住距落水潜左一次，一潜潜左1个几钟，冻到我嘴唇都黑晒，所以一潜之后就无继续潜了。不过水下景色好美，晒几张图同视频，正摸索紧点样发视频。

















唔识点样发视频，有人可以指教一下吗？
       LG潜水噶时候，细佬距地就去浮潜。据说浮潜也有好多鱼，好浅噶地方就可以见到龙头鹦哥，依种鱼我地系诗巴丹见到好大一群，估唔到浮潜都可以见到。
我同KOEY系酒店噶泳池玩水，休憩。

    休整了三天，我地又继续往下一个目标出发——乌布。


依个唔系酒店，系民宿。125人仔一晚包早餐。









私人屋好大，有几栋楼仲有一个大花园。巴厘人好有米啊~~~







鸟语花香，大床雕工好靓主人噶狗狗叫ZERO，见到KOEY好兴奋。一直想趴上去同距玩，KOEY比狗狗吓亲，狗狗你也太热情啦

       开车往圣泉寺出发，由于细地方路牌都唔清晰，一路都要靠问人。也经常有行错路兜大弯噶现象。


睇见有几个泉口马上以为依个系圣泉寺，入去后发现唔系，但都已经落左车就入去逛下，其实后来稳到噶圣泉寺，也系大同小异啦。





















寺庙供奉好多供品。

        到达真正噶圣泉寺，据说唔同噶泉口可以治好唔同噶病，所以好多人跳落去浸。

好休闲的行程！！！！

嗯，有老有小。系要悠闲D。唔能够赶。

       住在乌布，旅游节目推荐噶DIRTY DUCK点都要去食一次。去到发觉环境非常靓，可惜无带相机。而且系晚黑，好难影得靓。本来好想白天再去一次补翻影相，但系最后都系抽唔到时间。价钱系当地消费来讲算系非常贵，仲要加收百分之17噶服务费。埋单时用左1300K卢比。我地平时一餐埋单一般系400几K左右，足足贵左3倍。不过试一次都系好值得。对翻人仔都只系6百几蚊，系广州就唔算贵。

     乌布大皇宫系旅行团必去噶景点，我地系门口望左一下，觉得大皇宫一D都唔大，所以无抽时间入去，反而系大皇宫对面噶手工艺市场逛左一圈，有以下收获。2

       2月20日，出发海神庙。沿路噶景色又一次让我地停下脚步。







海神庙又系旅行团必去噶景点，所以去到海神庙系甘多日以来见到最多中国人噶地方。




据说海神庙神噶地方就系每天退潮时先有通向庙噶路，涨潮时就把庙隔开。

好想也带女儿去玩

       游完海神庙，在打道回府噶路上见到巴厘鸟园。细佬话有时间就入去睇下，门票好贵25美金一人，小朋友半票。点解睇雀仔都要甘贵呢？本来想唔入去啦，但KOEY坚持要入去。就唯有入啦，事实证明，好在有入去。入边有好多从来未见过噶鸟类，真系大开眼界。

      D雀仔真系好乖喔，企定定比人影相。完全唔怕相机，好多都系无笼关住噶，仲有好多系路上自由行。










水面有彩虹，好靓啊。KOEY从来未见过真彩虹。

        仲有D雀仔可以提供比游客影相，好过瘾啊。








雀仔唔肯过来影相，工作人员比左D苹果我地，D雀仔就马上飞来食。



鸟园旁边系爬虫公园，都系蛇同鳄鱼。睇见都怕怕。

        行程噶最后，点都要安排几日玩沙。天气唔好，海都唔靓。重返乌鲁瓦图，天非常蓝，所以海都份外蓝。同一个海，唔同噶天气就有唔同噶变化。









住噶地方，海景房100人仔一晚，超值！





一望无际噶蓝，真系舒心。

        玩沙系小朋友噶最爱，KOEY都唔例外，晒到黑妈妈都要玩。