见到大家发美食甘开心,警长都唔执输,系手机度巢返部分平时住家菜上黎分享下,所以有D就有过程图,多数得成品图8等我以后影多D,慢慢起高栋警长美食楼先得。。。哈哈。。第一个菜系“金银蛋上汤霸王花”咸蛋皮蛋姜蒜爆镬加2碗水煮滚新鲜霸王花,洗净撕好加入霸王花滚熟加盐起镬,滑到筷子都夹唔起吖第二个菜系“三文鱼蒸蛋”三文鱼切碎加少少盐一片姜,先蒸熟然后加蛋再蒸,最后撒葱花,小朋友非常喜欢架颜色粉红粉黄,小朋友好开胃又营养第三个菜系“素卷千张”用千张包裹红萝卜,西芹,香菇,菜椒,用葱捆绑蒸熟后淋上沙茶酱,味道一流吖!某日全家福:素卷,三文鱼蒸蛋,炒菜心,蒜蓉蒸排骨。第四个菜系“卤水拼盘”无保留制作图,相信好多MM都识得做卤水啦。也是某日全家福:番茄炒蛋,萝卜焖牛丸,冬菇嚷墨鱼胶配蚝油菜心最后发今晚宵夜“清蒸大闸蟹”今日见羊城美食版的蟹后,流口水不止。。。4位将军,系时候开台啦。威猛啊。。。等警长我帮你松绑先得!今日4只都系男仔,不过都好多膏。正到无得顶吖!!!8今日小试身手,发d图片大家分享下,等我影多d相充实下我栋警长大楼,多谢大家捧场!
11月6日。是日例汤:桂圆红枣淮山胡萝卜煲猪展乌鸡今日菜式1:枸杞萝卜苗今日菜式2:四喜烤麸今日菜式3:柱候萝卜焖牛腩1.先将牛腩用水浸泡1小时,期间多次换水去除雪藏味2.将牛腩置于锅内,放姜几片,水刚好没过牛腩即可,先中火烧开后即转小火,焖煮1个半小时3.焖煮绝对不能放盐,否则牛腩口感很“柴”,小火水在牛腩面滚住为佳4.焖煮到筷子能轻易插入牛腩后捞起。5.烧红锅,大火快速将牛腩2面略煎金黄。6.煎好后可以将牛腩切块备用7.将萝卜切块后,烧红锅爆香姜片8.倒入萝卜翻炒,加入3汤匙柱候酱,老抽1茶匙,糖,陈皮9.煮至萝卜8成熟后加入牛腩再焖20分钟10.大火收汁打薄欠即可上桌外面酒楼做牛腩为求缩短时间一般用崩砂。按此做法,自己做牛腩一样淋到小朋友都吃到。
胡迪警长:今日系仔仔3岁生日,大个仔啦!今日例汤:木瓜雪耳无花果南北杏煲脊骨今日菜式1:烧肉炒从化菜花(烧肉代表红皮赤壮,健健康康)今日菜式2:白切鸡(无鸡不成宴,所以一定要有鸡)今日菜式3:蚝油冬菇扒小唐菜今日菜式4:双色豆角炒潮州肉饼今日菜式5:日日笑哈哈关于虾做法:大竹节虾,剪头去须剥壳,保留最后一节近尾部的虾壳,将虾身中间介一刀,把虾尾穿过刀口,做成虾花花了大半个小时,终于做好一碟虾花,大火蒸10分钟将红椒,黄椒,青椒,香芹,姜,蒜切成末,用油爆香,加盐加少许酱油,淋在虾上好看的彩虾就成功啦全家福补发前天焖的花生猪手猪尾,好吃啊查看原文太棒了!
胡迪警长:其实让莲藕最好系用去皮绿豆既。让好整熟之后切片,如果想好睇既话切好片后莲藕就唔好再回炉放翻入煲,边个饮汤就系汤碗加2旧就得。否则d绿豆继续发胀,挤出个绿豆窿就会唔好睇架喇。查看原文去皮噶绿豆啊?甘又无噢 不过买到噶绿豆都算粉上片我最后想用瑶柱水做勾芡,结果淀粉放多了,结果....献丑了
爱文玲:去皮噶绿豆啊?甘又无噢 不过买到噶绿豆都算粉上片我最后想用瑶柱水做勾芡,结果淀粉放多了,结果....献丑了[图片]查看原文v62你甘识食用瑶柱水打欠,莲藕白切一般简单d,1粒仔沙姜用油爆香再赞d酱油就ok,点莲藕一流。
胡迪警长:9月24日。今日我去买左好多菜。。。v69可惜某人又唔翻黎吃饭。只好咨询女女,问区想吃咩?女女提议不如去“渌亲脚”吃饭咯!广州落雨落到倒水甘啊,饭后仲要整灯笼听日交翻学校!点同你撑台脚吖!v60我决定半桶水扮“渌亲脚”既大师傅!整个女女次次去到都点既茄汁黄豆局牛仔肉饭(屋企无牛仔肉,我罗左旧猪肉呃个女,事实证明她系吃唔出黎既!)材料如下图:猪肉,茄汁黄豆一罐,西兰花做法极其简单:1.肉切丁,用油,盐,酒,糖腌2.烧红个镬将d肉煸炒到8成熟(不用加水)3.倒入茄汁黄豆,拌炒均匀后盖上镬盖4.滚起后即可关火5.将煮好既饭用bb碗仔装好略压实,倒在盘中,饭面加少少紫菜芝麻6.将西兰花洗净用油盐水灼熟7.淋上茄汁肉丁,西兰花伴碟即可女女见到大叫同“渌亲脚”既出品一样啊!!尤其旧饭,点解可以甘既造型!好神奇!我话呢个系大厨至高无上既一项秘密,唔讲得俾你知点整既!哈哈。至于味道似唔似。。。我女用行动表示吃清光,再黎一招美人照镜。干净到碟都唔使洗。最后上传今晚大作-人皮灯笼!啊唔系!系柚皮灯笼!v67好似泰国四面佛甘,有4个表情既柚皮灯笼。。。非常有爱。尤其此面表情,某人说“唔错,就系肚脐方形,而且太大。。”思想太下流鸟。。。查看原文有心思,有创意,我中意。
回复 tmzj 的帖子我唔系日日买菜架,不过会隔日去市场睇睇有咩添加甘咯。关于老火靓汤呢,绝对唔好日日饮啦。所以我从来唔用瓦煲煤气炉煲汤,用依立电子瓦煲,通常冻水落料,到煲好保温大概1小时15分,时间最好。绝对唔推荐煲个种2-3小时,甚至更长时间既老火汤,煲得越耐嘌呤越多导致人体尿酸过高,引起以后痛风病症。
茹茹姐姐:点解焖第一次后又要将牛肉煎到金黄,?查看原文第一次只叫将牛肉煮淋,唔叫焖。焖之前将肉类煎下会保存肉质肉香,可以话保持造型,唔会系焖既过程中导致肉质过烂。好似鱼类,如果要焖或者煲汤,我地都要煎煎,就系甘既原理。
胡迪警长:v62你甘识食用瑶柱水打欠,莲藕白切一般简单d,1粒仔沙姜用油爆香再赞d酱油就ok,点莲藕一流。查看原文警长你赞我啊 我会唔好意思噢不过太杰 弄巧成拙咯下次试试你种方法,莲藕用沙姜好味咩?我屋企一般沙姜爱来食鸡噶
爱文玲:警长你赞我啊 我会唔好意思噢不过太杰 弄巧成拙咯下次试试你种方法,莲藕用沙姜好味咩?我屋企一般沙姜爱来食鸡噶查看原文沙姜白切莲藕乃湛江菜经典也,去到d湛江鸡饭店呢,点个白切莲藕就黎碟沙姜酱油俾你点架啦。