见到大家发美食甘开心,警长都唔执输,系手机度巢返部分平时住家菜上黎分享下,所以有D就有过程图,多数得成品图8等我以后影多D,慢慢起高栋警长美食楼先得。。。哈哈。。第一个菜系“金银蛋上汤霸王花”咸蛋皮蛋姜蒜爆镬加2碗水煮滚新鲜霸王花,洗净撕好加入霸王花滚熟加盐起镬,滑到筷子都夹唔起吖第二个菜系“三文鱼蒸蛋”三文鱼切碎加少少盐一片姜,先蒸熟然后加蛋再蒸,最后撒葱花,小朋友非常喜欢架颜色粉红粉黄,小朋友好开胃又营养第三个菜系“素卷千张”用千张包裹红萝卜,西芹,香菇,菜椒,用葱捆绑蒸熟后淋上沙茶酱,味道一流吖!某日全家福:素卷,三文鱼蒸蛋,炒菜心,蒜蓉蒸排骨。第四个菜系“卤水拼盘”无保留制作图,相信好多MM都识得做卤水啦。也是某日全家福:番茄炒蛋,萝卜焖牛丸,冬菇嚷墨鱼胶配蚝油菜心最后发今晚宵夜“清蒸大闸蟹”今日见羊城美食版的蟹后,流口水不止。。。4位将军,系时候开台啦。威猛啊。。。等警长我帮你松绑先得!今日4只都系男仔,不过都好多膏。正到无得顶吖!!!8今日小试身手,发d图片大家分享下,等我影多d相充实下我栋警长大楼,多谢大家捧场!
11月19日。。警长出去颠左2日,翻黎冰箱一堆野未吃,胸怀大志煮几味既警长只能死死地气煮晒冰箱d食材先 ...警长,麻烦你教我煮薯仔焖排骨的详细做法,你煮既体起黎好好味。还有点去除肉腥味呢?多谢警长!!^_^
11月19日。。警长出去颠左2日,翻黎冰箱一堆野未吃,胸怀大志煮几味既警长只能死死地气煮晒冰箱d食材先 ...警长,麻烦你教我煮薯仔焖排骨的详细做法,你煮既体起黎好好味。还有点去除肉腥味呢?多谢警长!!^_^
武歌:警长,其实我觉得系旧腩肉最难拣啊,因为好多猪肉一系就肥过头一系就太瘦。你的烧肉出做法后我就系网上买左猪皮插,好失败既系,我仲没执行^_^查看原文我睇过好多市场同超市既猪腩肉,如果讲出品最靓,肥瘦最均匀,切出黎大细比较符合要求,翻到屋企唔使点切除周边肥肉既,只有ole入边卖既黑山猪。今日系市场拣过壹号土猪,实在太肥买唔落手,而且下烂相当多。我整既2次烧肉,猪腩都系ole买,买翻黎系乜野样就乜野样了,唔需要我再修剪,大家睇到图片都会觉得旧肉好靓。其次系家乐福,我曾经见过安康猪有比较靓既完整猪腩肉出售。
武歌:警长,麻烦你教我煮薯仔焖排骨的详细做法,你煮既体起黎好好味。还有点去除肉腥味呢?多谢警长!!^_^查看原文5薯仔红萝卜焖排骨材料:薯仔,红萝卜,排骨,蒜头,蚝油,糖,酒,盐,豆粉方法:1.排骨斩件,如果经过雪藏既猪肉可加小许盐浸水1小时,即可去处猪肉既雪藏味2.排骨用油,盐,料酒,豆粉,糖,腌味。通常有酒成分腌过既肉都唔会再有猪臊味3.红萝卜,薯仔砌块4.锅放少许油,加入蒜头起镬爆出香味5.倒入排骨翻炒至表面变色,再倒入薯仔红萝卜翻炒6.倒入蚝油约2汤匙,继续翻炒均匀7.倒入清水没过食材表面,盖上锅盖焖煮8.焖煮大概10分钟,开大火收汁即可上碟
武歌:我睇过好多市场同超市既猪腩肉,如果讲出品最靓,肥瘦最均匀,切出黎大细比较符合要求, ...查看原文好多谢警长啊,你回复得好快啊!我周末继续去拣旧靓腩肉先,不过真系好多都要自己修剪,体下市场猪肉佬肯唔肯配合先。
511月20日。是日例汤:青红萝卜栗子无花果煲猪展v67照旧唔记得影相今日菜式1:彩椒香芹炒雪花肉其实雪花肉就类似于板筋肉,好有嚼头既不过只适合用黎炒今日菜式2:浓汤猪润水浸枸杞叶今日菜式3:清汤羊肋排我参考有MM发帖做法,先将羊肋排浸5小时出血水再用香叶,八角,桂皮,姜,蒜,大葱头一齐煮煮1个小时后加入萝卜,临起锅前再加入香芹末,真系香到无得顶!!最后羊肋排斩件排盘,等人齐后再淋上汁汤,一流全家福唔记得买酱点羊肉,自己用腐乳,麻油,芝麻,做左个酱汁。
武歌:警长啊警长,你尽快上虾花的做法吧,我今日买左D返黎,剥完壳吾知点整成花啊查看原文甘快买翻黎?做花虾最好系大大只既竹节虾,个头细既虾好难穿成虾花,会容易断我尽量口述虾花制作1.虾用剪刀剪去去头须2.剥壳,剥剩虾尾部最后一节虾壳3.将虾平放在占板上,用尖头小刀对准虾中线捅入去,捅到去虾背既中线,即系捅穿只虾4.捅开虾身就出现一个裂口(此裂口长度几乎贯穿只虾,最好靠近头部,尾部刀划到接近未剥除的那一节虾壳)5.虾本身带弯度,将尾部屈进虾肚部既裂口,在背部穿出,就做成虾花