用左两日时间, 终于爬完楼拉.....警长好厉害啊, 最近老公成日话要食少d, 加上自己又有BB, 需要多点花款, 哈哈哈~~~ 睇到警长的贴就岩晒拉, 我准备收集所有做法, 哈哈~~~ 有几个问题想请教下警长啊:
1. 我炒青菜都会放多d水嘎, 因为我惊菜叶会烧焦拉, 但系我见警长炒出来的菜好靓, 好少水, 有乜野秘诀啊?
2. 点解赤小豆和眉豆煲汤要炒一炒既? 我之前煲都系洗洗就煲了.....
3. 有好多食材我都觉得好似未见过....老黄瓜究竟系乜野样嘎? 边度有得买?
4. 仲有仲有, 白糖参有乜野功效, 我见你煲汤都比较喜爱放

1.炒菜我都会放少少水，但系唔多，炒菜唔好太大火，完全唔放水梗系唔得喇，除非你放好多油。2.眉豆同赤小豆系唔使炒既，需要炒既只系扁豆，扁豆炒过先会香d，同埋存放期间唔会生虫。
3.老黄瓜就系好老好长寿既黄瓜，煲汤好清热，系中华广场3楼超市既老黄瓜最靓最多选择。
4.白糖参我系当作蜜枣甘用，蜜枣甜得黎燥，白糖参甜得黎润，当然价钱会相差好远，你宜家有BB，煲汤梗系白糖参，煲完汤既白糖参好好吃，北京路既采之林白糖参最靓，不过唔系经常有。

哦哦~~ 明白了~~ 你有无用单独用电个种蒸笼啊? 另外我想请教下你之前发过的手打牛丸同埋香甜汁豆腐扣豆腐的做法啊~~

无吖，我无个种电既蒸笼架。手打牛丸个个当时我无写做法咩。。。？同埋豆腐扣豆腐系乜野黎架？

v67月经期间乜汤都唔好饮，如果唔系好难收尾，乜野补既都系留系经期后饮啦！

哈哈哈~~ 5好意思, 手快打错左~~~ 手打牛丸有写用乜野调味料腌制, 但系点样手打啊, 哈哈哈, 我好想知道!!! 另外那个是香甜汁鸡翼扣豆腐!!

冬天经期后梗系炖d牛展红枣鸡蛋饮啦，不过宜家天时甘热，唔好炖，煲好啦，最好梗系桑寄生红枣鸡蛋茶啦！

0哦哦。。牛丸就好似虾胶甘要哒架，哒完之后用拇指同食指挤成球，用个不锈钢羹湿d水挖出黎，然后煲滚d水，将挤好既牛丸放入滚水，浮面一阵就可以捞起架啦，之后用蚝油焖返就得架喇！
鸡翼扣豆腐，首先豆腐就买个种老豆腐啦，或称北豆腐。买翻黎切片之后用厨房纸索干d水份，用平底锅煎到4面金黄后放埋一边备用。鸡翼就卤水做法，想方便就买支卤水汁一样得，鸡翼卤得7788个时就放埋d煎豆腐落去，转大火收汁。d豆腐会索晒d卤水好正，最后排碟就得啦。想香d靓d就洒d芝麻落去，一流。

今晚我学人整酿蚝屎，原来蚝屎好鬼难酿架！今晚无论失败与否，都会上图同大家分享

好贴啊，学习中

嘿嘿~~~ 你实在太厉害了, 我想去你屋企吃饭, 5使我自己郁手~~~ 潮州咸虾你系边度买嘎? 仲有个只泰式酸甜酱系乜野牌子嘎?

潮州咸虾系好多市场既潮州档有得买，我对上一次系龟岗市场买，25蚊一包，35蚊一斤。泰式酸甜酱好似系李锦记。。。

谢谢!! 期待你今晚既酿蚝屎....

菜色好特别，赞一个

警长D粉丝要吾要浸啊,同埋你买边只牌子?我买个D吾系好掂,成日煮到拒一旧旧.

LZ历害。。。。

警长，酿蚝屎 好吾好味呀，点整呀

我想问下警长坐月期间饮咩汤水啊？你生左两个，肯定经验丰富啦